فوتو اشىق دەرەككوز
ورتالىق اۋماقتىق رەفەرەندۋم ۋچاسكەسىنىڭ مالىمدەۋىنشە تەڭىز كەنىشىندەگى ازاماتتار ءۇشىن جەتى رەفەرەندۋم پۋنكتى جاساقتالعان. كەنىشتە 6 مىڭعا جۋىق جەرگىلىكتى تۇرعىن مەن باسقا دا وڭىرلەردەن كەلگەن ازاماتتار داۋىس بەرۋگە ءوتىنىش بىلدىرگەن.
وڭىرلىك كوممۋنيكاتسيالار قىزمەتىنىڭ ايتۋىنشا «ەمبىمۇنايگاز» اق قىزمەتكەرلەرى دە رەفەرەندۋمعا بەلسەنە قاتىسىپ, تاڭداۋلارىن جاساپ جاتىر.
«رەفەرەندۋمعا قاتىسۋ ءار قازاقستاندىقتىڭ بورىشى. ۇرپاعىمىزدىڭ بولاشاعى ءۇشىن تاڭداۋ جاسايتىن ساتكە كەلىپ تۇرمىز. مەكەمەدە 5 مىڭ ادام جۇمىس ىستەيدى, قازىر اۋىسىمدىق ادىسپەن 1664 ادام ءوندىرىس باسىندا قىزمەتتە ءجۇر. ولاردىڭ داۋىس بەرۋى ءۇشىن بارلىق جاعداي جاسالعان. سونداي-اق, 1700-گە جۋىق مەردىگەر مەكەمە وكىلىنە دە مۇمكىندىك قاراستىردىق», دەدى دەپارتامەنت ديرەكتورى ب. گۋبايدۋللين.
وبلىستا 274 رەفەرەندۋم ۋچاسكەلەرى بار, ولاردىڭ 11-ءى ازاماتتاردىڭ ۋاقىتشا بولۋ ورىندارىندا قۇرىلعان (9 ەمدەۋ مەكەمەلەرى, 1 تەرگەۋ يزولياتورى, 1 اسكەري بولىمشە). اتىراۋ وبلىسىندا رەسپۋبليكالىق رەفەرەندۋمعا قاتىسۋعا قۇقىعى بار 411880 ازامات تىركەلگەن.
