جاڭا جىل قارساڭىندا قازاقستاندىقتار جەلتوقساندا ءبىر كۇن 30 جەلتوقسان, دۇيسەنبى كۇنى جۇمىس ىستەيدى. وسىدان كەيىن 31 جەلتوقسان, سەيسەنبى كۇنى جانە قاڭتاردىڭ 1,2-ءسى كۇندەرى — سارسەنبى مەن بەيسەنبى كۇندەرى دەمالادى. 3 قاڭتار, جۇما كۇنى جۇمىس ىستەپ, سودان كەيىن تاعى ەكى كۇن دەمالىس بولادى.
ناۋرىز ايىندا قازاقستاندىقتار ايدىڭ جارتىسىنا جۋىعىندا دەمالىس كۇندەرىن قوسا العاندا, دەمالادى. 8 ناۋرىز سەنبى كۇنىنە تۇسكەندىكتەن, 10 ناۋرىز دۇيسەنبى كۇنى تاعى دەمالىس بولادى. ال ناۋرىز مەرەكەسىندە ازاماتتار قاتارىنان بەس كۇن دەمالادى: 21, 22, 23, 24, 25 ناۋرىز.
مامىر مەرەكەلەرى قىسقا بولادى. قازاقستاندىقتار ادەتتەگى دەمالىس كۇندەرى قوسىمشا 1, 7 جانە 9 مامىر كۇندەرى دەمالادى.
ماۋسىم ايىندا, دەمالىس كۇندەرىنەن باسقا 6 ماۋسىم, قۇربان ايت مەرەكەسى بولادى. قازاقستاندىقتار قوسىمشا ءبىر كۇن دەمالادى.
شىلدەدە استانا كۇنى — 6 شىلدە جەكسەنبىگە تۇسەتىندىكتەن, دۇيسەنبىگە اۋىستىرىلادى, سوندىقتان مەرەكەلىك اپتادا ءۇش كۇن دەمالىس بولادى. تامىزدا ءبىر مەرەكە بار. 30 تامىز كونستيتۋتسيا كۇنى, جەكسەنبىگە تۇسەتىندىكتەن, قازاقستاندىقتار دۇيسەنبى, 1 قىركۇيەكتە قوسىمشا دەمالادى.
قىركۇيەكتە 1 قىركۇيەك مەرەكەسىنەن باسقا تەك ادەتتەگى دەمالىس كۇندەرى عانا بولادى.
قازاندا قازاقستاندىقتار قاتارىنان ءۇش كۇن دەمالادى, سەبەبى 25 قازان رەسپۋبليكا كۇنى سەنبىگە ءتۇسىپ, 27 قازان دۇيسەنبى تاعى ءبىر قوسىمشا دەمالىس كۇنى پايدا بولادى.
جەلتوقساندا, جاڭا جىلدان بولەك, ءبىر مەرەكە — 16 جەلتوقسان تاۋەلسىزدىك كۇنى, سەيسەنبىگە ءتۇسىپ تۇر.
2025 جىلى ءۇش ايدا مەيرامدار بولمايدى: اقپان, ءساۋىر جانە قاراشا. بۇل ايلاردا قازاقستاندىقتار تەك ادەتتەگى دەمالىس كۇندەرىمەن شەكتەلەدى.
