كوللاج: egemen.kz
ەسكە سالايىق, مەملەكەت باسشىسىنىڭ 2 قىركۇيەكتەگى № 636 جارلىعىنا سايكەس 2024 جىلعى 6 قازاندا قازاقستاندا اتوم ەلەكتر ستانتسياسىن سالۋ بويىنشا جالپىرەسپۋبليكالىق رەفەرەندۋم وتەدى.
قازاقستاننىڭ شەتەلدەگى مەكەمەلەرىنىڭ جانىنان 59 شەت مەملەكەتتە 74 رەفەرەندۋم ۋچاسكەسى قۇرىلدى.
«داۋىس بەرۋگە قاتىسۋ ءۇشىن بەلسەندى سايلاۋ قۇقىعى بار, ءتيىستى شەت مەملەكەتتە تۇراتىن نەمەسە جەكە, قىزمەتتىك, وقۋ, ىسكەرلىك پەن تۋريستىك ماقساتپەن جۇرگەن جانە قر ازاماتىنىڭ جارامدى پاسپورتى بار قازاقستان رەسپۋبليكاسىنىڭ ازاماتتارى رەفەرەندۋم ۋچاسكەسى قۇرىلعان قازاقستاننىڭ ديپلوماتيالىق نەمەسە كونسۋلدىق وكىلدىگىنە جۇگىنە الادى», دەلىنگەن حابارلامادا.
شەتەلدەگى مەكەمەلەردە داۋىس بەرۋ «قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنىڭ 38-ءشى بابىنىڭ 1-ءشى تارماعىنا سايكەس رەفەرەندۋم وتكىزىلەتىن كۇنى (2024 جىلعى 6 قازان, جەكسەنبى) جەرگىلىكتى ۋاقىت بويىنشا ساعات 07:00-دەن 20:00-گە دەيىن وتكىزىلەدى.
