فوتو: قر قما
سوچيدەگى (رف) قارجىلىق قاۋىپسىزدىك جونىندەگى حالىقارالىق وليمپيادا الاڭىندا ەات-قا مۇشە مەملەكەتتەردىڭ قارجى ينستيتۋتتارىنىڭ كومپلاەنس-ماماندارى اراسىندا اقشانى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىلعا باعىتتالعان ۇزدىك قارجىلىق ساراپتاماعا ارنالعان كونكۋرس ءوتتى.
اۋقىمدى جارىسقا بەلارۋس, ءۇندىستان, قازاقستان, قىرعىزستان, رەسەي, تاجىكستان, تۇرىكمەنستان جانە وزبەكستان ەلدەرىنەن كەلگەن قارجى مونيتورينگى سۋبەكتىلەرىنىڭ وكىلدەرى قاتىستى.
بايقاۋ ۇسىنىلعان جوبالاردى ينتەراكتيۆتى تالقىلاۋ فورماتىندا وتكىزىلدى.
اقشانى جىمقىرۋ جانە قارجىلىق تەرروريزم اكتىلەرىندە «دروپتارعا» قارسى ءىس-قيمىلدىڭ كۇردەلى تەتىكتەرىن قولدانا وتىرىپ, ۇزدىك قارجىلىق ساراپتاماعا ارنالعان جۇمىستار جانە ولارعا قارسى كۇرەستە قاتەرلەردى باسقارۋ جۇيەسىن قولدانۋدىڭ ۇزدىك ۇلگىسى قارالدى.
دروپتار - زاڭسىز ارەكەتتەردەن قاراجات جيناۋ ءۇشىن قىلمىستىق سحەمالارعا قاتىساتىن ادامدار.
قازاقستاننان «ATAIX Eurasia ltd.» كريپتوبيرجا – كومپانياسىنىڭ AML كومپلاەنسى ايدىن مۇقاشەۆتىڭ جوباسى ۇسىنىلدى.
جوبادا ۇسىنىلعان دروپتار مەن VPN-ءدى قولدانۋ ارقىلى جۇزەگە اسىرىلاتىن كۇردەلى الاياقتىق سحەمالاردىڭ ۇيىمداستىرۋشىلارىن انىقتاۋعا مۇمكىندىك بەرەتىن جاڭا تاسىلدەر ساراپشىلاردىڭ قىزىعۋشىلىعىن وياتتى.
ناتيجەسىندە بۇل جوبانى ەۋرازيا كەڭىستىگىنە ۇسىنىپ, وتاندىق تاجىريبە تۋرالى جاريالاۋ شەشىمى قابىلداندى.
داۋىس بەرۋ قورىتىندىسى بويىنشا وتاندىق جۇيە كونكۋرستىڭ جەڭىمپازى بولىپ تانىلدى.
ساراپشىلار قارجىلىق ءىز جاسىرۋعا قارسى جۇيەنىڭ اج/تقق سالاسىنداعى جاڭا سىن-تەگەۋرىندەر مەن قاۋىپ-قاتەرلەرگە دايىندىعىن جوعارى باعالادى.
ەسكە سالا كەتەيىك, قارجىلىق قاۋىپسىزدىك بويىنشا حالىقارالىق وليمپيادا بيىلعى جىلدىڭ 30 قىركۇيەگى مەن 4 قازانى ارالىعىندا سوچيدە (رف) ءوتىپ جاتىر.
وعان الەمنىڭ 36 ەلىنەن 600 ۇزدىك وقۋشى مەن ستۋدەنت قاتىسىپ جاتىر.
وتاندىق كوماندا ەلىمىزدىڭ جەتەكشى جوعارى وقۋ ورىندارىندا وقيتىن (قر بپ جانىنداعى قۇقىق قورعاۋ ورگاندارى اكادەمياسى, ءىىم ب.بەيسەنوۆ اتىنداعى قاراعاندى اكادەمياسى, Maqsut Narikbayev University, Turan Unversity, جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى) 10 ستۋدەنت پەن ماگيسترانتتاردان تۇرادى.
