فوتو: سىرتقى ىستەر مينيسترلىگى
سىرتقى ىستەر مينيسترلىگىنىڭ حابارلاۋىنشا, 15 جىل بۇرىن ءدال وسى كۇنى ناحچىۆان قالاسىندا تۇركىتىلدەس مەملەكەتتەردىڭ ىنتىماقتاستىق كەڭەسىن قۇرۋ تۋرالى كەلىسىمگە قول قويىلىپ, كەيىن ول تۇركى مەملەكەتتەرى ۇيىمى (تمۇ) بولىپ وزگەرگەن.
مينيسترلىك مالىمەتىندە: «سالىستىرمالى تۇردە قىسقا مەرزىمدە تمۇ ءوزىن بەيبىتشىلىك پەن تۇراقتى دامۋدى نىعايتۋعا ۇلەس قوسۋعا ۇمتىلاتىن حالىقارالىق قاتىناستاردىڭ تولىققاندى جانە بەدەلدى سۋبەكتىسى رەتىندە جاريالاي الدى. تۇركى ينتەگراتسياسى ترانزيت جانە كولىك, ەكونوميكا, ەكولوگيا, عىلىم, ءبىلىم, ونەر, تۋريزم, سپورت ماسەلەلەرىنەن باستاپ قوماقتى گۋمانيتارلىق بلوكپەن اياقتالاتىن كەڭ اۋقىمدى ىنتىماقتاستىقتى قامتيدى», دەلىنگەن.
قازاقستان تمۇ قىزمەتى اياسىندا ينتەگراتسيانى دامىتا وتىرىپ, ۇيىمنىڭ باستاماشىسى جانە نەگىزىن قالاۋشى مەملەكەتتەردىڭ ءبىرى.
بۇعان تۇركى ەلدەرىنىڭ بىرلىگى مەن ىنتىماقتاستىعىن نىعايتۋعا باعىتتالعان, سەگىز باسىمدىقتى قامتيتىن «TURKTIME!» ۇرانىمەن قابىلدانعان قازاقستاننىڭ تمۇ-داعى توراعالىعىنىڭ باعدارلاماسى دالەل.
