فوتو halyqline.kz
دەپۋتات الەۋمەتتىك جەلىدەگى قاۋىپتى ويىندار مەن قاتىگەزدىكتى ناسيحاتتايتىن كونتەنتتەر جاسوسپىرىمدەردىڭ ساناسىن ۋلاپ جاتقانىن اتاپ ءوتتى.
«الەۋمەتتىك جەلىگە باقىلاۋدى كۇشەيتۋ كەزەك كۇتتىرمەيتىن مىندەت دەپ ەسەپتەيمىن. جەلىنىڭ كەرى اسەرىنە كوز جۇمىپ قاراۋ – ۇرپاقتىڭ بولاشاعىنا بالتا شابۋمەن بىردەي. قۇقىق قورعاۋ ورگاندارىنان زاڭنامالىق شارالاردى, اسىرەسە جاسوسپىرىمدەرگە ارنالعان مەسسەندجەرلەردەگى كونتەنتتىڭ گيگيەنالىق نورمالارىن قاتايتۋدى تالاپ ەتەتىن ۋاقىت جەتتى. مادەنيەت جانە اقپارات مينيسترلىگى, باس پروكۋراتۋرا جانە تسيفرلىق دامۋ مينيسترلىگى بالالارعا قاۋىپتى كونتەنتتى انىقتاۋ جانە زەرتتەۋ ءۇشىن ۆەدومستۆوارالىق جاۋاپكەرشىلىكتى كۇشەيتۋى كەرەك», دەدى سۇلەيمەنوۆا.
ونىڭ ايتۋىنشا مەملەكەتتىك ورگاندار پارلامەنت قابىلداعان زاڭنامالىق شەشىمدەردىڭ ورىندالۋىن قاتاڭ قاداعالاۋى ءتيىس, سونىمەن قاتار ءاربىر اتا-انا بالالارىنىڭ ينتەرنەتتە وتكىزەتىن ۋاقىتىن باقىلاۋعا جانە ولاردىڭ زياندى كونتەنتتەن قورعالۋىن قامتاماسىز ەتۋگە مىندەتتى.
«بالالارعا زياندى اقپاراتتى اۆتوماتتى تۇردە انىقتايتىن جانە بلوكتايتىن جاڭا تەحنولوگيالار مەن جۇيەلەر كەرەك. سونداي-اق وقۋشىلارعا جەلىدەن كەلەتىن قاۋىپتى زەردەلەپ, وقۋ باعدارلاماسىنا تسيفرلىق ساۋاتتىلىقتى ارتتىرۋ ءپانىن ەنگىزۋ قاجەت, دەدى دەپۋتات.
