فوتو: Midjourney
رەسپۋبليكالىق رەفەرەندۋمعا قاتىسۋعا قۇقىعى بار ازاماتتاردى تىزىمگە ەنگىزۋ
اكىمدىكتەر رەسپۋبليكالىق رەفەرەندۋمعا قاتىسۋعا قۇقىعى بار ازاماتتاردىڭ تىزىمىنە تۇرعىلىقتى جەرى بويىنشا تۇراقتى تىركەلگەن قازاقستان ازاماتتارىن ەنگىزەدى.
تۇراقتى تىركەلگەن جەرى بويىنشا ەمەس, ءوزىنىڭ تۇرعان جەرى بويىنشا داۋىس بەرگىسى كەلەتىن ازامات اكىمدىككە ءوتىنىش بەرۋگە قۇقىلى.
رەسپۋبليكالىق رەفەرەندۋمعا قاتىسۋعا قۇقىعى بار ازاماتتار تىزىمدە بار-جوعىن تەكسەرىپ, تىزىمگە ەنۋ ءۇشىن قايدا جۇگىنۋ كەرەكتىگىن اكىمدىكتىڭ ينتەرنەت-رەسۋرسىندا نەمەسە جەرگىلىكتى اتقارۋشى ورگاننىڭ Call-ورتالىعىنا قوڭىراۋ شالۋ ارقىلى بىلە الادى.
رەفەرەندۋم ۋچاسكەلەرىندە ازاماتتار داۋىس بەرۋ كۇنىنە 15 كۇن قالعاندا رەفەرەندۋمعا قاتىسۋعا قۇقىعى بار ازاماتتاردىڭ تىزىمدەرىنە ەنگىزىلگەن دەرەكتەردىڭ دۇرىستىعىنا كوز جەتكىزە الادى.
ءاربىر ازامات ءوزى تۋرالى دەرەكتەردى تەكسەرۋگە قۇقىلى
تۇزەتۋلەر ەنگىزۋ نەمەسە ازاماتتار تىزىمىنە ەنگىزۋ قاجەتتىلىگى تۋرالى ءوتىنىشتى ۋچاسكەلىك رەفەرەندۋم كوميسسياسى قارايدى.
داۋىس بەرۋ قۇقىعىن بەرەتىن ەسەپتەن شىعارۋ كۋالىكتەرى
تۇرعىلىقتى جەرى وزگەرگەن ازامات رەفەرەندۋمنىڭ باسقا سايلاۋ ۋچاسكەسىندە داۋىس بەرۋ ءۇشىن ەسەپتەن شىعارۋ كۋالىگىن الا الادى.
مۇنداي كۋالىكتەردى 20 قىركۇيەكتەن باستاپ الۋعا بولادى. ەسەپتەن شىعارۋ كۋالىكتەرىن بەرۋ 5 قازاندا ساعات 18:00-دە توقتاتىلادى.
داۋىس بەرۋ كەزىندە ازامات ەسەپتەن شىعارۋ كۋالىگىن جانە جەكە باسىن كۋالاندىراتىن قۇجاتتى (ونىڭ ىشىندە ەلەكتروندىق نۇسقانى) ۇسىنادى.
ۋچاسكەلىك رەفەرەندۋم كوميسسياسى ەل ازاماتتارىن رەسپۋبليكالىق رەفەرەندۋمعا قاتىسۋعا قۇقىعى بار ازاماتتار تىزىمىنە ەنگىزەدى جانە داۋىس بەرۋگە ارنالعان بيۋللەتەن بەرەدى.
كۋالىك تەك ءبىر رەت پايدالانىلادى جانە ازامات داۋىس بەرگەن ۋچاسكەدە قالادى.
ەسەپتەن شىعارۋ كۋالىكتەرى جوعالعان جاعدايدا ولار قالپىنا كەلتىرۋگە جاتپايدى.
ەسەپتەن شىعارۋ كۋالىگى ءبىر ەلدى مەكەن شەگىندە باسقا ۋچاسكەدە داۋىس بەرگىسى كەلەتىن ازاماتتارعا بەرىلمەيدى.
