- قىركۇيەكتىڭ سوڭعى جەكسەنبىسى – قازاقستاندىقتار ءۇشىن ەرەكشە كۇن. ءبىز بۇگىن ءوز ەڭبەگىمەن ەلىمىزدىڭ دامۋىنا زور ۇلەس قوسىپ جۇرگەن جاندارعا قۇرمەت كورسەتەمىز. ەڭبەك كۇنى – جاي عانا مەرەكە ەمەس, وتانشىلدىق پەن ادالدىقتىڭ, ەڭبەكقورلىقتىڭ سيمۆولى. مەملەكەت باسشىسى قازاقستان حالقىنا جولداۋىندا 2025 جىلدى جۇمىسشى ماماندىقتار جىلى دەپ جاريالاپ, ولاردىڭ ەل ءۇشىن ماڭىزىن اتاپ ءوتتى. سونداي-اق ادال ءارى تاباندى ەڭبەگىمەن تابىسقا جەتكەن ادامدار قاشان دا قۇرمەتتى, سىيلى ەكەنىن ءسوز ەتتى. بۇل «ادال ازامات – ادال ەڭبەك – ادال تابىس» قاعيداتىنا تولىق ساي كەلەدى. ءبىزدىڭ قوعامدا ەڭبەكقورلىق پەن كاسىبيلىك سياقتى قاسيەتتەر ارقاشان ءبىرىنشى ورىندا تۇرۋعا ءتيىس. سەبەبى ءوز كاسىبىن جەتىك مەڭگەرگەن ماماندار ۇلت ساپاسىن ارتتىرادى, - دەدى مينيستر.
ەڭبەك – قوعامنىڭ ءال-اۋقاتىنىڭ نەگىزى. ءبىزدىڭ ەل زاۋىتتار مەن فەرمالارداعى, شاحتالار مەن مەكتەپتەردەگى جۇمىسشىلاردىڭ, دارىگەرلەردىڭ, ينجەنەرلەردىڭ, قۇرىلىسشىلاردىڭ جانە باسقالاردىڭ ەڭبەگى ارقاسىندا دامىپ كەلەدى. ءاربىر ەڭبەك ادامى قازاقستاندى قۋاتتى ەتە تۇسەدى. سوندىقتان ءار ادامنىڭ ەڭبەگىنە قۇرمەتپەن قاراۋعا ءتيىسپىز.
- ءبىز بۇگىن ءوز ءبىلىمى مەن شەبەرلىگىن ۇرپاقتان-ۇرپاققا جالعاپ كەلە جاتقان ەڭبەكقور اۋلەتتەردى ۇلىقتايمىز. بۇل وتباسىلار ەلىمىزدىڭ ءتىرى تاريحى, ولاردىڭ ءاربىرى ءوز ىسىنە دەگەن سۇيىسپەنشىلىك ارقىلى بۇكىل ۇرپاقتى بىرىكتىرىپ, ۇلگى بولىپ وتىر. ماسەلەن, قاجياحمەتوۆتەر وتباسى – باتىس قازاقستان وبلىسىندا 100 جىل بويى قىزمەت ەتىپ كەلە جاتقان جۋرناليستەر اۋلەتى. باق سالاسىنىڭ ارداگەرى مەحمەت قاجياحمەتوۆ ءوز ءومىرىن جۋرناليستيكاعا ارناعان, بۇگىندە داۋرەن ەسىمدى ۇلى دا بەينەوپەراتور بولىپ جۇمىس ىستەيدى. ال كەلىنى اۋداندىق گازەتتە قىزمەت ەتەدى. بۇلار ناعىز ءوز ءىسىن بىلەتىن وتباسى, ولاردىڭ جۇمىسى بىزگە ماڭىزدى جاڭالىقتار مەن وقيعالاردى جەتكىزۋگە مۇمكىندىك بەرەدى, - دەدى ايدا بالاەۆا.
سونداي-اق مينيستر ءار وڭىردەگى ەڭبەك ادامدارى تۋرالى دا پىكىر ءبىلدىردى.
- شىعىس قازاقستان وبلىسىندا ءوز ءومىرىن مادەنيەت پەن ونەرگە ارناعان سماعۇلوۆتار وتباسى تۇرادى. امانگەلدى سماعۇلوۆ پەن ونىڭ ايەلى, قوبىزشى ساۋلە جۇماتاەۆا ۇلان اۋدانىنىڭ مادەنيەت بولىمىندە قازاق حالىق ونەرىنىڭ ءداستۇرىن جاڭا ۇرپاققا جەتكىزىپ, ايانباي قىزمەت ەتىپ كەلەدى. بەيسبەكوۆتەر اۋلەتى – شىمكەنت قالاسىندا تۇراتىن قولونەر شەبەرلەرى. ولار 40 جىلدان استام ۋاقىت بويى ءداستۇردى ساقتاپ, جەرگىلىكتى برەندتى دامىتا وتىرىپ, الاشا, شەكپەن مەن باسقا دا بۇيىمداردى توقۋمەن اينالىسادى. ولاردىڭ ونەرى تەك قولدان جاسالعان دۇنيە عانا ەمەس, بالالارى مەن نەمەرەلەرىنە دە قالار قۇندى مۇرا. اقمولا وبلىسى زەرەندى اۋدانىنداعى ناسيبۋلليندەر وتباسى – مۋزىكالىق مادەنيەتتى ساقتاۋشىلار. وتباسىنىڭ ۇيىتقىسى ءاسيا ناسيبۋللينا 90 جاسىندا فولكلورلىق انسامبلدە ءالى دە ونەر كورسەتىپ ءجۇر, ال ونىڭ بالالارى مەن نەمەرەلەرى ءبىزدىڭ مادەني مۇرامىزدى ساقتاۋعا ۇلەس قوسىپ, ونىڭ ءىسىن جالعاستىرىپ وتىر. اقتوبە وبلىسىنداعى قاسىموۆتار اۋلەتى – 200 جىلدان استام تاريحى بار فەرمەرلەر. ولار بۇكىل ءومىرىن اۋىل شارۋاشىلىعىنا ارناعان, ەلدى ازىق-ت ۇلىكپەن قامتاماسىز ەتىپ, ەگىنشىلىك ءداستۇردى ساقتاپ قالدى, - دەدى مينيستر.
بۇل مىسالدار – ءار ادال ءارى ەڭبەكقور ادام ەلدىڭ ءال-اۋقاتىنىڭ نەگىزى ەكەنىنىڭ جارقىن كورىنىسى.
وسى جانە باسقا دا كوپتەگەن وتباسى ەڭبەك تەك جۇمىس ەمەس, ۇرپاقتان-ۇرپاققا جالعاسىپ كەلە جاتقان اتا كاسىپ ەكەنىن دە كورسەتەدى. ولاردىڭ ەڭبەگى – قازاقستاننىڭ ەكونوميكالىق, مادەني جانە الەۋمەتتىك دامۋىنىڭ نەگىزى.
- پرەزيدەنت جاريالاعان جۇمىسشى ماماندىقتار جىلى ەلىمىزدىڭ بولاشاعىن ءوز ەڭبەگىمەن قالاپ جاتقان جانداردى تانۋ جانە قولداۋ جولىنداعى ماڭىزدى قادام بولماق. سونداي-اق مەملەكەتتى كىم كۇشتى ەتەتىنى تۋرالى ويلانۋعا مۇمكىندىك بەرەدى. ارينە ولار – زاۋىتتا , دالادا, مەكتەپتە نەمەسە اۋرۋحانادا بولسىن, كۇندەلىكتى ادال جۇمىس ىستەيتىن قاراپايىم جاندار. ەڭبەكقورلىق – جەكە ادامنىڭ تابىسقا جەتۋ جولى عانا ەمەس, قوعامنىڭ وركەندەۋتكەپىلى. تەك ادال, قاجىرلى ەڭبەك ارقىلى ءبىز ءوزىمىز بەن بالالارىمىز ءۇشىن جارقىن بولاشاق قۇرا الامىز, - دەپ جازدى مينيستر.
