بەلگىلى بولعانداي, سوتتالۋشى باۋ-باقشا كووپەراتيۆىنىڭ باسشىسىنان پارا العان. ول كووپەراتيۆتە سۋ ەسەپتەگىش قۇرالدارىنىڭ جوقتىعىنا بايلانىستى زاڭبۇزۋشىلىقتار انىقتالعانىمەن, ءتيىستى شارا قولدانباي, 1 111 000 تەڭگە كولەمىندە پارا العان.
قىلمىستىق ءىس قىسقارتىلعان تارتىپتە ءوتتى. مەملەكەتتىك ايىپتاۋشى سوتتالۋشىنى مەملەكەتتىك قىزمەتتەگى لاۋازىمداردى اتقارۋ قۇقىعىنان ءومىر بويىنا ايىرا وتىرىپ, پارانىڭ 30 ەسەلەنگەن مولشەرىندە, ياعني 33 360 000 تەڭگە ايىپپۇل سالۋدى سۇرادى. سوتتالۋشى ءوز كىناسىن تولىق مويىنداپ, جاساعان ىسىنە وكىندى.
ء«ىستىڭ بارلىق ءمان-جايىن, جاسالعان قىلمىستىڭ سيپاتى مەن قوعامدىق قاۋىپتىلىك دارەجەسىن, سوتتالۋشىنىڭ جەكە باسىن, سونداي-اق قك-ءنىڭ 55-بابىندا كوزدەلگەن جازانىڭ شەكتەرىن ەسكەرە وتىرىپ, سوت م.-عا مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ, پارانىڭ 30 ەسەلەنگەن سوماسى مولشەرىندە – 33 360 000 تەڭگە ايىپپۇل سالۋ جازاسىن تاعايىندادى», دەلىنگەن حابارلامادا.
