ترت
DATA HUB دەرەكتەرىنە سۇيەنسەك, جازدا تۇركيا جاعاجايلارىندا دەمالۋ باعاسى ايتارلىقتاي ءوستى. ماۋسىمنىڭ قورىتىندىسى بويىنشا ولار جىلدىق ماندە – 28,5 پايىزعا, شىلدەدە – 35,5 پايىزعا, تامىزدا – 39,3 پايىزعا كوتەرىلدى. مۇنداي قىمباتشىلىق قازاقستان ازاماتتارىن توقتاتپاعان.
جۋىردا تۇركيانىڭ مادەنيەت جانە تۋريزم مينيسترلىگى ەلگە كەلگەن شەتەلدىكتەر تۋرالى جاڭا ستاتيستيكا جاريالادى. ماۋسىم-تامىز ارالىعىندا قازاقستان رەسپۋبليكاسىنىڭ ازاماتتارى تۇركياعا 440,4 مىڭ رەت كىرگەن.
قازىرگى ناتيجە بىلتىرعىدان تەك 7 پايىزعا كوپ ەمەس, سونىمەن قاتار 2014 جىلدان بەرگى جاز ايلارى ءۇشىن ەڭ جوعارى ناتيجە بولدى.
- بۇل – ەلگە كىرۋ ستاتيستيكاسى. سوندىقتان قازاقستاندىقتار تۇركيادا قانشا ۋاقىت بولعانى جانە نە ءۇشىن بارعانى بەلگىسىز. بىراق 2022 جانە 2023 جىلدارداعى مالىمەتتەر نەگىزىندە ەڭ تانىمال باعىت انتاليا ەكەنىن بولجاي الامىز, – دەپ جازىلعان مالىمەتتە.
