جوسپار بويىنشا ورىلۋعا ءتيىس 451 توننا ءشوپتىڭ ءبىراز بولىگى ورىلىپ, شومەلەگە ءۇيىلدى. ءشوپ ورۋ ناۋقانى ءالى جالعاسادى. بۇدان بولەك, 20 توننا جەمدىك تۇز ساتىپ الىندى.
ۇلتتىق پارك قىزمەتكەرلەرى ورمانداعى الاڭقايلاردا ورناتىلعان 40 ناۋانى جوندەپ, جاڭادان 15 ناۋا جاسادى. ناۋالاردىڭ تۇز توگەتىن, بۋما بايلايتىن, ءشوپ سالاتىن جەرلەرى بار.
بۇل ءوڭىردىڭ قىسى قاتال. «بۋراباي» بۇتپ جانۋارلار دۇنيەسىن قورعاۋ جانە ءوسىمىن مولايتۋ ءبولىمىنىڭ باستىعى يۋري زەلينسكيدىڭ ايتۋىنشا, اڭ-قۇستارعا قامقورلىق جاساماسا, كوكتەمگە قينالىپ شىعۋى مۇمكىن.
«قىس بويى ورمان ينسپەكتورلارى مەن قورىقشىلار ناۋالاردى تەكسەرىپ, جەمشوپتىڭ ءبىتىپ قالماۋىن باقىلاپ وتىرادى. بيىل قايىڭ جاپىراقتارىنان بۋما جاساۋدان قالعان قالدىقتارىن جيناپ, قاباندارعا 15 پانا جاسادىق. قاتتى اياز-بورانداردا وسى جەرگە كەلىپ, ىقتايدى», دەيدى يۋ.زەلينسكي.
وسىلايشا, «بۋراباي» مۇتپ قىس مەزگىلىنە جان-جاقتى دايىندالىپ, جەرگىلىكتى اڭ-قۇستارعا ازىق-تۇلىك پەن ىقتاسىن پانا عانا ەمەس, سونىمەن قاتار قاتال قىس جاعدايىندا امان قالۋ ءۇشىن قاۋىپسىز جاعداي جاساپ جاتىر.
