ەنەرگەتيكا ءمينيسترى الماسادام ساتقاليەۆتىڭ ايتۋىنشا, ۇكىمەت ەلدەگى ينۆەستيتسيالىق احۋالدى جاقسارتۋ بويىنشا دايەكتى ستراتەگيانى ۇستانادى.
«بۇگىنگى تاڭدا ءبىز جالپى ينۆەستيتسيا كولەمى 9 ملرد دوللاردى قۇرايتىن 6 كەلىسىمشارتقا قول قويدىق. بارلىق مۇددەلى تاراپتاردى وسى سالادا بىرلەسكەن جوبالاردى جۇزەگە اسىرۋعا شاقىرامىز. قازاقستان ءۇشىن قىسقا جانە ۇزاق مەرزىمگە ارنالعان تاعى ءبىر باسىمدىق – كومىرسۋتەگى شيكىزاتىن تەرەڭ وڭدەۋ, اتاپ ايتقاندا, مۇناي-حيميا سالاسىن دامىتۋ. جالپى, وسى سالاداعى الەۋەتتى جوبالاردى مەملەكەتتىك قولداۋ بارلىق قاجەتتى ينفراقۇرىلىم مەن سالىقتىق پرەفەرەنتسيالاردى, سونىڭ ىشىندە جەر, م ۇلىك سالىعى, قوسىلعان قۇن جانە كەدەندىك باج سالىعىن قوسا العاندا, 0%-دى قامتاماسىز ەتەدى», دەدى مينيستر.
جيىنعا قاتىسقان «قازمۇنايگاز» (كمگ) باسشىسى اسحات قاسەنوۆ شەتەلدىك سەرىكتەستەر قىزمەتىندەگى وتاندىق قامتۋ ۇلەسىنە قاتىستى پىكىر ءبىلدىردى.
«حالىقارالىق كومپانيالاردا وتاندىق جەتكىزۋشىلەرمەن وففتەيك-كەلىسىمشارتتار جاساۋعا قاتىستى پروتسەدۋرا ەنگىزىلگەن. جەرگىلىكتى جاڭا وندىرىستەردى ىنتالاندىرۋ بارىسىندا حالىقارالىق مۇناي-گاز كومپانيالارى بۇل مۇمكىندىكتى پايدالانادى دەپ ويلايمىز. قمگ وتاندىق قامتۋدى قولداۋعا دا كوڭىل بولەدى. ماسەلەن, بىرنەشە اپتا بۇرىن پوليەتيلەن وندىرەتىن زاۋىت قۇرىلىسىن باستادىق. وعان باعان-سپليتتەردى جەتكىزۋدى «اتىراۋنەفتەماش» جشس ىسكە اسىرادى. جالپى, جىل باسىنان بەرى 83 وففتەيك-كەلىسىمشارتقا قول قويدىق», دەدى.
