فوتو: ru.freepik.com
نۇرتورە ءجۇسىپ ءوز سوزىندە قازاقستاننىڭ ەنەرگەتيكالىق قاۋىپسىزدىگىن نىعايتۋدا اتوم ەنەرگەتيكاسىنىڭ الەۋەتى زور ەكەنىن اتاپ ءوتتى. ۋراننىڭ باي قورىنا يە جانە ءوزىنىڭ يادرولىق باعدارلاماسىن دامىتۋدا ءتيىمدى پوزيتسيادا تۇرعان ەلىمىزدىڭ جەر قويناۋىنان الىناتىن وتىنعا تاۋەلدىلىكتى ازايتۋعا جانە ەنەرگەتيكا سالاسىن ارتاراپتاندىرۋعا مۇمكىندىگى بار. دەپۋتات اتوم ەنەرگەتيكاسىنا سالىنعان ينۆەستيتسيا قازاقستاننىڭ ەنەرگەتيكالىق تاۋەلسىزدىگىن ايتارلىقتاي نىعايتا الاتىنىن جانە بۋلانۋ گازدارى شىعارىندىسىن ازايتۋ ەسەبىنەن ورنىقتى دامۋ ماقساتىنا قول جەتكىزۋگە مۇمكىندىك بەرەتىنىن اتاپ ءوتتى.
«اتوم ەنەرگەتيكاسىنىڭ بولاشاعى زورەكەنى بايقالىپ وتىر. بۇرىن كۇمانمەن قاراعان كوپتەگەن ەلدەر قازىر ءوز كوزقاراستارىن قايتا قاراپ, ونى جاڭارتىلاتىن ەنەرگيا كوزدەرىنە ماڭىزدى قوسىمشا دەپ سانايدى. اتوم ەنەرگەتيكاسى وسى سالادا جوعارىدەڭگەيدەگى قاۋىپسىزدىكتى قامتاماسىز ەتەدى جانە سونىمەن بىرگە تازا ەكولوگيالىق شەشىم بولىپ تابىلادى. اەس قۇرىلىسى ەلىمىزگە ءوز ەلەكتر ەنەرگياسىن وندىرۋگە مۇمكىندىك بەرەدىجانە بارلىق ءوڭىردى ەنەرگيامەنقامتاماسىز ەتۋ دەڭگەيىن ارتتىرادى. بۇل العا جاسالعان ەلەۋلى قادام بولادى. اتوم ەنەرگياسى كومىر مەن گازعا قاراعاندا الدەقايدا قۋاتتى, ودان قالدىق از شىعادى جانە قورشاعان ورتانى قورعاۋعا دا جاردەمدەسەدى. ول وڭىرلەردى دامىتۋعا جانە ەنەرگەتيكالىق تاۋەلسىزدىگىن نىعايتۋعا ىنتالاندىرۋعا ىقپال ەتەدى», دەدى نۇرتورە ءجۇسىپ.
كەزدەسۋگە قاتىسۋشىلار اەس سالۋ كەزىندە زاماناۋي تەحنولوگيانى قولدانۋ, قالدىقتاردى كادەگە جاراتۋ, كادر الەۋەتىن قالىپتاستىرۋ جانە ستانتسياعا قىزمەت كورسەتۋ ءۇشىن جاڭا جۇمىس ورىندارىن اشۋ ماسەلەلەرىن كوتەردى.
