تالاي ناۋقاستىڭ ءومىرىن ۇزارتاتىن كەلەلى جيىندى ۇيىمداستىرۋعا كارديولوگيا جانە ىشكى اۋرۋلار عزي, «University Medical Center» كورپوراتيۆتىك قورى مەن قازاقستان جۇرەك قىزمەتىنىڭ جەتكىلىكسىزدىگى قوعامى ۇيىتقى بولدى.
س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ رەكتورى مارات شورانوۆ: «سوزىلمالى جۇرەك قىزمەتىنىڭ جەتكىلىكسىزدىگى دەرتىن ەمدەۋ دەنساۋلىق ساقتاۋ جۇيەسى مەن جالپى قوعام ءۇشىن اسا وزەكتى. وسى كەسەلمەن ناۋقاستاردى اۋرۋحاناعا تۇسەتىندەر مەن ءولىم-ءجىتىم سانىنىڭ ارتۋى, ەمدەۋ مەن وڭالتۋعا كەتەتىن قوماقتى شىعىندار دەنساۋلىق ساقتاۋ جۇيەسىنە ايتارلىقتاي سالماق سالادى», - دەدى.
دەگەنمەن, مارات شورانوۆ ۇدەمەلى جۇرەك قىزمەتى جەتكىلىكسىزدىگىن ەمدەۋدە ايتارلىقتاي جەتىستىكتەرگە قول جەتكىزىلگەنىنە توقتالا كەلە: «جاڭا ءدارى-دارمەكتەر, يننوۆاتسيالىق تەحنولوگيالار, يمپلانتاتسيا قۇرىلعىلارى پايدا بولدى, جۇرەك ترانسپلانتاتسياسى دامىپ جاتىر. الايدا, ءبىزدىڭ الدىمىزعا ەرتە ساتىسىندا دياگنوستيكا جاساۋ, پاتسيەنتتەردىڭ ەمدەلۋگە بەيىمدىلىگىن ارتتىرۋ, جۇرەك قىزمەتى جەتكىلىكسىزدىگىنىڭ بولجامىن جاقسارتۋ ءۇشىن جاڭا جوعارى تەحنولوگيالىق قۇرىلعىلاردى ەنگىزۋ سياقتى ماڭىزدى ماسەلەلەر تۇر», - دەدى.
قر كارديولوگيا جانە ىشكى اۋرۋلار عزي باسقارما توراعاسى مارات پاشيموۆتىڭ ايتۋىنشا, سوزىلمالى جۇرەك قىزمەتىنىڭ جەتكىلىكسىزدىگى – جۇرەك-قان تامىرلارى اۋرۋلارىنىڭ ءجيى كەزدەسەتىن اسقىنۋلارىنىڭ ءبىرى. بۇل كەسەل دەنساۋلىقتى ناشارلاتىپ, قاتاردان قالدىرىپ قانا قويماي, ەرتە كوز جۇمۋعا باستى سەبەپكەردىڭ ءبىرى بولىپ وتىر. سوندىقتان بۇگىنگى وتكىزىلىپ وتىرعان كونفەرەنتسيا اسا وزەكتى. وتاندىق, شەتەلدىك كارديولوگيا جانە كارديوحيرۋرگيا ماماندارىنىڭ سجج بار پاتسيەنتتەردى دياگنوستيكالاۋ مەن ەمدەۋدەگى ءوزارا ءىس-قيمىلى مەن تاجىريبە الماسۋى پاتسيەنتتەرىمىزدىڭ ءومىرىن ۇزارتىپ, جاعدايىن جاقسارتىپ, ناۋقاستارعا كومەك كورسەتۋ جۇيەسىن نەعۇرلىم جوعارى دەڭگەيگە كوتەرۋگە مۇمكىندىك بەرەدى.
UMC باسقارما توراعاسىنىڭ ورىنباسارى ماحاببات بەكبوسىنوۆا ۇدەمەلى جۇرەك جەتكىلىكسىزدىگى بويىنشا جۇمىس توبى پاتسيەنتتەردى باسقارۋدىڭ بىرىڭعاي باعدارلاماسى مەن كلينيكالىق حاتتاماسى ازىرلەگەنىن, قان اينالىمىن مەحانيكالىق قامتاماسىز ەتۋدە ناۋقاستاردىڭ بىرىڭعاي ءتىزىلىمى جاسالعانىن, يمپلانتاتسيالانعان قۇرىلعىسى بار ناۋقاستاردىڭ بىرىڭعاي كۇتۋ جۇيەسى قۇرىلىپ جاتقانىن ايتتى. «بۇل شارالاردىڭ بارلىعى زاماناۋي ستاندارتتار مەن وزىق كلينيكالىق تاجىريبەلەردى ەسكەرە وتىرىپ, پاتسيەنتتەرگە كۇتىم كورسەتۋدى وڭتايلاندىرۋعا جانە ەمدەۋ ناتيجەلەرىن جاقسارتۋعا باعىتتالعان», - دەدى دارىگەر.
كونفەرەنتسيا اياسىندا سەكتسيالىق وتىرىستار اياسىندا قاتىسۋشىلار LVAD يمپلانتاتسياسىنا پاتسيەنتتەردى قالاي ىرىكتەلەتىندىگىن ايتىپ, استانا, الماتى, شىمكەنت پەن تاراز قالالارىندا يمپلانتاتسيا جاساۋ تاجىريبەسىمەن ءبولىستى (LVAD تەك وسى قالالاردا جاسالادى), وپەراتسيادان كەيىنگى كەزەڭنىڭ نەگىزگى ەرەكشەلىكتەرىن, امبۋلاتوريالىق جاعدايدا پاتسيەنتتەردى باقىلاۋ ماسەلەلەرىن, سونداي-اق LVAD يمپلانتاتسياسىنان كەيىن پاتسيەنتتەرگە كۇتىم جاساۋداعى مەيىرگەرلەردىڭ ءرولى جانە ت.ب. ماسەلەلەردى تالقىلادى.
بۇگىن كارديولوگيا جانە ىشكى اۋرۋلار عزي-دا پاتسيەنتتەرگە كەڭەس بەرۋ, LVAD مەحانيكالىق قۇرىلعىسى مەن مitraclip يمپلانتاتسيالاۋ وپەراتسيالارى بويىنشا شەبەرلىك دارىستەرى ءوتىپ جاتىر. ماسەلەن, مitraclip وپەراتسياسىن الماتىدا العاش رەت پروفەسسور Maurizio Taramasso (تسيۋريح, شۆەيتساريا) باسشىلىعىمەن جۇرگىزىلەدى. بۇل Mitraسlip جۇيەسىنىڭ كومەگىمەن ميترالدى قاقپاقشانىڭ ەندوۆاسكۋليارلىق كليپتەۋ. MitraClip اشىق حيرۋرگيالىق وپەراتسيا جاساۋعا بولمايتىن پاتسيەنتتەرگە جۇرەك جۇمىسىن جاقسارتۋدىڭ جالعىز مۇمكىندىگى. بۇل از ءينۆازيۆتى پروتسەدۋرانى قولدانۋ پاتسيەنتتىڭ قالپىنا كەلۋ كەزەڭىن قىسقارتۋعا مۇمكىندىك بەرەدى, ناۋقاستىڭ جاعدايىنىڭ جاقسارۋى انەستەزيادان شىققاننان كەيىن بىردەن سەزىلەدى. ناۋقاستار تەز جازىلادى. ولاردىڭ ءومىر ءسۇرۋ ساپاسى ەداۋىر جاقسارادى, ەنتىگۋ ازايىپ, جاتتىعۋلارعا توزىمدىلىك ارتادى, مەديتسينالىق كومەككە جۇگىنۋ جيىلىگى تومەندەيدى. ايتا كەتۋ كەرەك, 2020 جىلى MitraClip قۇرىلعىسى ەڭ جاقسى مەديتسينالىق تەحنولوگيا رەتىندە رrix Galien USA (نوبەل سىيلىعىنىڭ بالاماسى) سىيلىعىمەن ماراپاتتالعان.
ال LVAD يمپلانتاتسيالاۋ وپەراتسياسى انكارا (تۇركيا) پروفەسسورى Umit Kervan قاتىسۋىمەن سجج دياگنوزىمەن جۇرەك قىزمەتى تومەندەگەن 51 جاستاعى پاتسيەنتكە جاسايدى.
الماتى
