فوتو: اقوردا ءباسپاسوز قىزمەتى
نىساندا يتاليا, كانادا, گەرمانيا, فينليانديا ەلدەرىندە شىعارىلعان قوندىرعىلار ورناتىلعان. ارنايى تەحنولوگيا الاڭنىڭ ءپىشىنىن وزگەرتۋگە مۇمكىندىك بەرەدى. سول ارقىلى مۇز ايدىنىندا ءبىر مەزگىلدە بىرنەشە سپورت تۇرىمەن شۇعىلدانۋعا بولادى.
قاسىم-جومارت توقاەۆ مۇز سارايىن ارالاپ كورىپ, بالالاردىڭ ونەرىن تاماشالادى. سونداي-اق باپكەرلەرمەن جانە سپورتشىلارمەن كەزدەستى.
پرەزيدەنت وتاندىق سپورتشىلاردى ءاردايىم قولدايتىنىن, جەتىستىكتەرىن باقىلاپ وتىراتىنىن ايتىپ, ولارعا ساتتىلىك تىلەدى.
جەرگىلىكتى «Turan Tigers» حوككەي كلۋبىنىڭ سپورتشىلارى مەملەكەت باسشىسىنا كوماندانىڭ جەيدەسىن سىيعا تارتتى.
جالپى, تۇركىستاندى الەۋمەتتىك-ەكونوميكالىق دامىتۋدىڭ 2021-2025 جىلدارعا ارنالعان كەشەندى جوسپارىنا ساي وبلىس ورتالىعىندا «تۇركىستان-ارەنا» ستاديونى, كوپبەيىندى «وليمپيك» ورتالىعى جانە بەكزات ساتتارحانوۆ اتىنداعى سپورت كەشەنى, «تۇران» فۋتبول اكادەمياسىنىڭ عيماراتى بوي كوتەرگەن. سونىمەن قاتار 7 تەننيس كورتى سالىنىپ, جالپى ۇزىندىعى 51 شاقىرىم ۆەلوجول توسەلگەن.
