فوتو اشىق دەرەككوز
بيىل اقتوبە وبلىسىندا تۇرعىنداردان تۇسكەن شاعىمداردىڭ نەگىزىندە 107 تەكسەرۋ جۇرگىزىلگەن. 28,9 ملرد تەڭگە كولەمىندەگى قاراجاتتىڭ ماقساتتى جۇمسالۋى تەكسەرگەندە ماماندار 18 ملرد تەڭگە سوماسىنا قارجىلىق بۇزۋشىلىقتاردى انىقتاعان. ونىڭ ىشىندە 17,9 ملرد تەڭگە تاۋار جەتكىزۋ, قىزمەت كورسەتۋ, جۇمىس ورىنداۋ جانە بۋحگالتەرلىك ەسەپ جۇرگىزۋ ەسەبىنەن بيۋدجەتكە قايتارىلعان.
ء«بىزدىڭ مىندەتىمىز – بيۋدجەت قاراجاتىن ماقساتتى پايدالانۋدى قامتاماسىز ەتۋ. ياعني, بىردە-ءبىر تەڭگە ءتيىمسىز جوبالارعا جۇمسالماۋى ءتيىس», دەدى كوميتەت توراعاسى.
سونىمەن قاتار ە. مىڭجاساروۆ ءبىلىم بەرۋ سالاسى جانە اۆتوموبيل جولدارىنىڭ جوندەۋ جۇمىستارىن تەكسەرۋ ماسەلەسىنە دە توقتالدى.
ونىڭ ايتۋىنشا, وڭىرلەردەگى اۆتوموبيل جولدارىنا قاتىستى ماسەلە تىكەلەي پرەزيدەنتىنىڭ قاتاڭ باقىلاۋىندا. كوميتەت جول قۇرىلىسى بويىنشا تەكسەرۋ كەزىندە باتىس قازاقستان, شىعىس قازاقستان جانە قاراعاندى وبلىستارىندا ەلەۋلى كەمشىلىكتەر مەن بۇزۋشىلىقتاردى انىقتاعان.
