فوتو: سەناتتىڭ ءباسپاسوز قىزمەتى
سەناتتىڭ ءباسپاسوز قىزمەتىنىڭ مالىمەتىنشە, كەللەروۆكا اۋىلىندا وتكەن كەزدەسۋدە ولگا پەرەپەچينا اەس قۇرىلىسى ەلىمىزدىڭ ەنەرگەتيكالىق تاۋەلسىزدىگى مەن تۇراقتى ەكونوميكالىق دامۋدى قامتاماسىز ەتۋگە باعىتتالعان ستراتەگيالىق ماڭىزدى قادام ەكەنىن اتاپ ءوتتى.
«اتوم ەلەكتر ستانتسياسىنىڭ قۇرىلىسى تەك ەنەرگەتيكالىق قاۋىپسىزدىك قانا ەمەس, قازاقستاننىڭ بولاشاعىنا ارنالعان ۇزاق مەرزىمدى ينۆەستيتسيا. اتوم ەنەرگياسى الەمدەگى ەڭ تازا جانە سەنىمدى ەنەرگيا كوزىنىڭ ءبىرى بولىپ تابىلادى. بۇل قازبا رەسۋرستارىنا تاۋەلدىلىكتەن ارىلۋ جانە كومىرتەگى شىعارىندىسىن ايتارلىقتاي ازايتۋ مۇمكىندىگى بولىپ تابىلادى. ازاماتتاردىڭ ەل بولاشاعى تۋرالى شەشىم قابىلداۋعا بەلسەندى قاتىسۋى اسا ماڭىزدى. سوندىقتان بۇل ماسەلە بويىنشا الداعى رەسپۋبليكالىق رەفەرەندۋمنىڭ ەرەكشە ءمانى بار», دەدى ولگا ۆالەنتينوۆنا.
سەناتور اسەم راحمەتوۆا وسىنداي جوبالار جوعارى جاۋاپكەرشىلىكتى جانە حالىقارالىق قاۋىپسىزدىك ستاندارتتارىنا تولىق سايكەستىكتى تالاپ ەتەتىنىن اتاپ ءوتتى.
«كوپتەگەن ازاماتتاردىڭ اتوم ەلەكتر ستانتسياسىنىڭ قۇرىلىسىنا قاتىستى سۇراقتارى بار ەكەنىن جانە وسى ماسەلە تولعاندىرىپ وتىرعانىن تۇسىنەمىز. ءبىزدىڭ مىندەتىمىز جوبانى تالقىلاۋ مەن ىسكە اسىرۋدىڭ بارلىق كەزەڭدەرىندە بارىنشا اشىقتىقتى قامتاماسىز ەتۋ بولىپ تابىلادى», دەدى اسەم راحمەتوۆا.
دەپۋتاتتار «BioOperations» جشس جانە «EMC Agro» جشس وڭدەۋشى كاسىپورىندارىندا جانە تايىنشا ەلەۆاتورىندا دا بولىپ, اگروونەركاسىپتىڭ وبلىس ەكونوميكاسى ءۇشىن ماڭىزدىلىعىن تالقىلادى. ولگا پەرەپەچينا كەزدەسۋدى قورىتىندىلاي كەلىپ, اەس قۇرىلىسى سياقتى ءىرى جوبالارعا قاتىستى شەشىمدەر ەلدىڭ بولاشاعىنا تىكەلەي اسەر ەتەتىندىگى جانە ول بۇكىل قوعامنىڭ قاتىسۋىمەن قابىلدانۋى كەرەكتىگىن اتاپ ءوتتى.
