قىزىلوردادا ەر ادام ءبۇلدىرشىن قىز بەن جۇكتى كەلىنشەكتى اتىپ ءولتىردى

استانا. 15 ماۋسىم. قىزىلوردا وبلىسىندا بۇرىنعى ايەلىنىڭ تۋىسىنا قوناققا كەلگەن ەر ادام جۇكتى ايەل مەن ونىڭ ءبىر جاسار قىزىن اتىپ تاستادى. بۇل تۋرالى nur kz حابارلادى. وقيعا وتكەن اپتانىڭ سەنبى كۇنىندە قالاداعى جاقاەۆ كوشەسىندە بولعان. ەر ادام ءوزىنىڭ بۇرىنعى ايەلىنىڭ تۋىسىنا قوناققا كەلىپ, كەيىن ءۇي يەسىمەن سوزگە كەلىپ  قالعان. سودان سوڭ, قوناق كولىگىنەن اڭشى قارۋىن اكەلىپ, وق جاۋدىرا باستايدى. ءۇي يەسى وقتان سىتىلعانىمەن, 23 جاستاعى جۇكتى كەلىنى مەن 1 جاسار نەمەرە قىزىن قۇتقارا الماعان. ءسابي جەدەل جاردەم كولىگى جەتكەنشە شەتىنەسە, جاس كەلىنشەك جانساقتاۋ بولىمىندە قايتىس بولدى. ايتا كەتەيىك, وقيعا ورنىنان اڭشى قارۋىنان اتىلعان پاترون گيلزالارى, كەيىن كۇدىكتى سۋعا لاقتىرىپ جىبەرگەن قارۋ دا تابىلدى. ال پوليتسەيلەردەن جاسىرىنعان قىلمىسكەردى تابۋعا ومون جاۋىنگەرلەرى جۇمىلدىرىلدى. كىسى ولىمىنە كىنالى ازامات ءتارتىپ ساقشىلارىنا ءبىراز قارسىلىق كورسەتكەن. اتالعان قايعىلى وقيعاعا بايلانىستى قىلمىستىق ءىس قوزعالدى. تالعات رايىمبەك. دەرەك: nur kz. سۋرەت: syrboyi.kz.