سۋرەت: caspianlife.kz
ال جەرگىلىكتى اكىمدىك مەجەلەنگەن مەرزىمگە ۇلگەرەتىنىن ايتادى. قازىردە اقتاۋ قالاسىنىڭ ماگيسترالدىق جىلۋ جەلىلەرىن جاڭعىرتۋ جۇمىستارى قايتادان قارقىن الدى. جىلۋمەن جابدىقتاۋ جەلىسىنىڭ 11,4 شاقىرىمى 11 ۋچاسكەگە ءبولىنىپ, جۇمىستار كۇشەيتىلگەن رەجىمدە جۇرگىزىلىپ جاتىر. ماڭعىستاۋ وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسى باسشىسىنىڭ ورىنباسارى اباي ەستەكباەۆتىڭ ايتۋىنشا, جوسپارلانعان 11 مىڭ شاقىرىمنان استام اۋماقتىڭ 10 مىڭ شاقىرىمنان استام بولىگىندە قۇرىلىس-مونتاجداۋ جۇمىستارى اياقتالعان.
بۇل جوندەۋ جۇمىستارىنىڭ اقتاۋدى دامىتۋعا تىكەلەي قاتىسى بار. ويتكەنى 50 جىل, ياعني جارتى عاسىر بويى جوندەۋ كورمەگەن جىلۋ قۇبىرلارىنىڭ جاڭارتىلىپ جاتقانى – ەرەكشە قۋانۋعا تۇراتىن ناتيجە.
«جاڭارتۋعا قاجەتتى قۇبىرلار 100% ساتىپ الىنىپ, اقتاۋ قالاسىنا جەتكىزىلدى, مونتاجداۋ 90%-عا ورىندالدى. اتالعان جۇمىستاردى قازان ايىنا دەيىن اياقتاۋ ءۇشىن كۇشەيتىلگەن رەجىمدە جۇمىس ىستەپ جاتىرمىز, الاڭداۋعا نەگىز جوق», دەيدى ا.ەستەكباەۆ.
دەمەك مامانداردىڭ سوزىنە سەنسەك, اقتاۋدا جىلۋ بەرۋ ماۋسىمىنا قاتىستى كۇردەلى, كۇلبىلتەلى ماسەلە جوق. جاسالىپ جاتقان باتالى ىستەردىڭ باستىسى – جارتى عاسىر اۋىسپاعان جىلۋ قۇبىرلارىنىڭ جاڭارتىلۋى. ونىڭ يگىلىگىن قالىڭ بۇقارا قازان ايىنان باستاپ كورەدى.
ماڭعىستاۋ وبلىسى
