فوتو Polisia.kz
قارت اكەسىنە كۇتۋشى جالداعان ەلوردا تۇرعىنى قۇندى زاتتاردىڭ جوعالعانىن اڭعارعان. جاتىن بولمەدەگى سورەدەن 12 ساقينا, ءبىر قول ساعات, ەكى جۇپ سىرعا جانە التىن القا سالىنعان سومكەنى تاۋىپ العان ايەل سول سومكەنى الدىمەن ءۇيدىڭ ىشىنە تىعىپ قويعان. كەيىن سومكەدەگى التىنداردى ەشكىم ىزدەمەگەنىنە كوزى جەتكەن سوڭ, ولاردى قولدى قىلىپ, ءوزى ەشتەڭە بولماعانداي جۇمىسىن جالعاستىرا بەرگەن.
الايدا ءۇي يەلەرى زەرگەرلىك بۇيىمداردىڭ جوعالىپ كەتكەنىن بايقاعان ساتتە پوليتسيا كومەگىنە جۇگىنگەن. جەدەل-ىزدەستىرۋ ءىس-شارالارىن وتكىزۋ بارىسىندا ەسىل اۋدانىنىڭ كريمينالدىق پوليتسيا قىزمەتكەرلەرى ۇرلىقتى 47 جاستاعى كۇتۋشى ايەل جاساعانىن انىقتادى. ول ۇرلاعان بۇيىمدارىنىڭ بارلىعىن لومباردقا وتكىزىپ, 1,5 ملن تەڭگە پايدا كورگەنىن مويىندادى.
اتالعان فاكتى بويىنشا قىلمىستىق ءىس قوزعالىپ, زەرگەرلىك بۇيىمدار تولىقتاي تاركىلەنىپ, يەسىنە قايتارىلدى.
