اتالعان ءبىلىم ورداسى حيميا جانە بيولوگيا باعىتىندا شاكىرت تاربيەلەۋگە ماشىقتانعانمەن, مۇندا جاس بۋىننىڭ ءبىلىمدى, بىلىكتى بولۋىمەن بىرگە, ەلدىڭ تاريحى مەن مادەنيەتىن, ادەبيەتىن مەن ونەرىن تەرەڭ مەڭگەرۋىنە باسىمدىق بەرىلەدى. مەكتەپ ديرەكتورى ايداربەك ايتبۋكەشوۆتىڭ ايتۋىنشا, اسىرەسە, ادەبيەتكە جانى قۇمار وقۋشىلاردىڭ تالابىنا كەڭ قولداۋ جاسالىپ وتىر. ءتىپتى, مەكتەپ وقۋشىلارىنىڭ فاريزا اقىنعا ارناعان شىعارمالارىنىڭ جيناعى شىعارىلىپ, اقىن مۇراسىن كەڭىنەن ناسيحاتتاۋعا قولعا الىنىپتى.
سول سەبەپتەن, ءبىلىم ورداسىندا قازاقتىڭ كورنەكتى اقىنى, قوعام قايراتكەرى فاريزا وڭعارسىنوۆا اتىنداعى ارناۋلى سىنىپ اشۋ ۇيعارىلىپتى. فاريزا وڭعارسىنوۆا اتىنداعى سىنىپتىڭ اشىلۋىندا اقىننىڭ كۋرستاسى, فيلولوگيا عىلىمدارىنىڭ دوكتورى, پروفەسسور قادىر ءجۇسىپ ستۋدەنتتىك كۇندەر ەستەلىگىمەن ءبولىستى. ال پەداگوگيكا عىلىمدارىنىڭ كانديداتى بيبىگۇل قايىرجانقىزى اقىن پوەزياسىنىڭ تەرەڭ سىرلارى تۋرالى اڭگىمەلەدى. فاريزا اقىن شىعارماشىلىعىن زەرتتەۋگە تالپىنىس بىلدىرگەن مەكتەپ وقۋشىلارى ءوز ولەڭدەرىن وقىدى. ارناۋلى سىنىپتىڭ اشىلۋىنا اقىننىڭ ءسىڭلىسى اريتا اسقارقىزى دا قاتىستى.
جولداسبەك شوپەعۇل.
دەرەك, سۋرەت: egemen.kz.
