مۋزىكا سۇيەر قاۋىمعا – اليانس بانكتەن تارتۋ

“اليانس بانك” بارلىق قازاقستاندىق كلاسسيكالىق مۋزىكا سۇيەر قاۋىمعا استانا كۇنى قارساڭىندا الماتىدا جانە استانادا اسقان شەبەرلىكپەن سكريپكادا ورىنداۋ­شى­لار ارمان مىرزاعاليەۆتىڭ جانە اناستاسيا حيترۋكتىڭ ونەرلەرىن سىيعا تارتىپ وتىر. ارمان مىرزاعاليەۆتىڭ ەسىمى وتاندىق مۋ­زىكا سۇيەر جۇرتشىلىققا كەڭىنەن تا­نىمال. قازىر ول بوستون قالاسىندا تۇرادى. مۋزىكانت جوعارى دەڭگەيدەگى ءتۇرلى شارا­لاردا قازاقستاننىڭ مادەنيەتىن لايىقتى كورسەتىپ ءجۇر. ال سكريپكاشى اناستاسيا حيترۋك بولسا الەمنىڭ تاڭداۋلى كونتسەرتتىك ساح­نالارىندا ونەرىمەن كورەرمەندەردى ءتانتى ەتۋدە. سكريپكاشىلاردىڭ مەرەكەلىك كون­تسەرت­­تەرى “سوليستەر اكادەمياسى” مەم­لەكەتتىك كا­مەرالىق وركەسترىنىڭ سۇيەمەل­دەۋىمەن اس­تانادا 24 ماۋسىمدا ساعات 19.00-دە قازاقستان رەسپۋبليكاسى پرەزيدەنتتىك مادەنيەت ورتالىعىندا جانە الماتىدا 3 ءشىل­دەدە ساعات 19.00-دە قۇرمانعازى اتىن­داعى قازاق ۇلتتىق كونسەرۆاتورياسىنىڭ ۇلكەن كونتسەرت زالىندا وتەدى. باعدارلامادا – nuevo tango مانەرىن قۇ­رۋشى حح عاسىردىڭ كورنەكتى كومپو­زيتورى استور پياتسوللانىڭ جانە يتال­يان­دىق سكريپ­كا مۋزىكاسى كلاسسيكتەرىنىڭ ءبىرى انتونيو ءۆيۆالديدىڭ شىعارمالارى بار.