وكپەلەپ, ءوز ءومىرىن قيۋعا بولا ما؟

قوستاناي وبلىسىندا  وتكەن جىلى ءجاسوسپىرىم­دەردىڭ وزىنە قول جۇمساۋى 10 پايىزعا كوبەيگەن. رەسپۋبليكالىق باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى وبلىستىق  باسقارماسىنىڭ باستىعى ەۆگەني پارحومەنكونىڭ مالىمەتىنشە, وتكەن جىلى وبلىس وڭىرىندە جاسوسپىرىمدەردىڭ 65  وزىنە قول جۇمساۋ ارەكەتى تىركەلگەن.  ونىڭ 11-ءى قايتىس بولدى,  54 بالا ءومىرىن ءوزى قيۋعا ارەكەتتەنگەن.  ال 2013 جىلى  59 ءجاسوسپىرىم جاساعان تەرىس ارەكەتتىڭ 15-ءى سۋيتسيدپەن اياقتالعان ەدى. – بالالاردىڭ وزىنە قول جۇمساۋىنىڭ باس­تى سەبەبى – وتباسىنداعى ۇرىس-كەرىس, ءوزىنىڭ جاق­سى كورەتىن ادامىمەن ۇرىسىپ قالۋ, كۇردەلى الەۋ­مەت­تىك-پسيحولوگيالىق  جاعداي. بالانىڭ سۋيتسيد­كە بارۋىنا وتباسىنىڭ ماتەريالدىق جاعدايى ەمەس,  بالالار مەن ەرەسەكتەر اراسىنداعى ءتۇسىنىس­تىك­تىڭ جوقتىعى سەبەپ بولادى. 2013 جانە 2014 جىل­دارى وزىنە قول جۇمساۋعا ارەكەت ەتكەن, سۋيتسيد­كە بارعاندار نەگىزىنەن 15-17 جاستاعى جاسوسپىرىمدەر. بۇل جاستا ولاردا نەگىزىنەن  پسيحولوگيالىق تۇراقسىق مىنەز, كوڭىل كۇي كۇشتى بولادى, – دەيدى قازاقستان رەسپۋبليكاسى باس پروكۋراتۋراسىنىڭ  قۇقىقتىق ستاتيستيكا جانە ارنايى ەسەپكە الۋ كوميتەتى  قوستاناي وبلىستىق باسقارماسىنىڭ  باستىعى ەۆگەني پارحومەنكو. ستاتيستيكاعا جۇگىنگەن مامانداردىڭ ايتۋىنا قاراعاندا,  قىزدار وزىنە قول جۇمساۋعا ءجيى ارەكەتتەنەدى, بىراق  ۇلدار ويىنا العان نارسەنى  اياعىنا دەيىن جەتكىزەدى.  2013 جىلى  وبلىس وڭىرىندە 37 قىز بالا, 22 ۇل بالا, 2014 جىلى 49 قىز بالا, 16 ۇل ءوزىن ولىمگە قيۋعا بەل بايلاعان. 2014 جىلى 49 قىزدىڭ 6-ىنىڭ, وزىنە قول جۇمساعان 16 ۇلدىڭ 5-ءىنىڭ ارەكەتى سۋيتسيد­پەن اياقتالعان. وسىنداي تەرىس تۇسىنىكتەگى ءجاسوس­پى­رىمدەر اينالاسىنداعى جاقىن-جۋىعىنىڭ وزىنە كوڭىل بولمەيتىنىن ءجيى ايتادى.  وتكەن جىلى كوكتەمدە تەحنيكالىق كوللەدجدىڭ 17 جاسار ستۋدەنتى قارابالىق اۋدانىنداعى قوسوبا اۋىلىنداعى سارايدا اسىلىپ قالعان. سەبەبى, وعان اتا-اناسىنىڭ  مەيىرىمى جەتپەگەن كورىنەدى ءنازيرا جارىمبەتوۆا, «ەگەمەن قازاقستان».