فوتو: parlam.kz
«پرەزيدەنت قاسىم-جومارت توقاەۆ جىل سايىنعى حالىققا جولداۋىندا استىن سىزىپ تۇرىپ ايتاتىن تاپسىرمالارىنىڭ بىرەگەيى – «اشىقتىق پەن ادىلەتتىلىك». بىراق سول ماقساتتى ىسكە اسىرۋ جولىندا ۇكىمەت مۇشەلەرى مەن وزگە مەملەكەتتىك ورگاندار ماردىمسىز جۇمىس ىستەپ وتىرعانىنا كۇن سايىن كوزىمىز جەتەدى», دەدى رينات زايتوۆ.
ول پارلامەنت ءماجىلىسى حالىقپەن تىكەلەي بايلانىستا بولاتىنىن, سونداي-اق ءار جۇما سايىن جۇرتتىڭ ارىزىن تىڭداپ, وتىنىشتەرىن قابىلدايتىنىن ەسكە سالدى. ازماتتاردىڭ باسىم كوپشىلىگى بەلگىلى ءبىر ۆەدومستۆو باسشىسىنىڭ قابىلداۋىنا كىرگىسى كەلەدى. رينات زايتوۆتىڭ ايتۋىنشا, بۇعان وڭىرلەردەگى جانە الىپ مەگاپوليستەردەگى شولاق بەلسەندى, ورتاشا دەڭگەيدەگى قىزمەتكەرلەردىڭ ء«وزىم بىلەمدىككە» سالىپ زاڭ بۇزۋى تىيىلماي جاتقانى سەبەپ بولىپ وتىر.
«بۇعان توقتاۋ قوياتىن باس پروكۋراتۋرا, جوعارعى سوت پەن مينيسترلەردىڭ ەسىگى حالىق كەلگەندە ءبىر اشىلعان ەمەس. بۇل قالاي؟ «ەستۋشى ۇكىمەت» قاعيداتىن ۇستانۋدى تاپسىرعان مەملەكەت باسشىسىنىڭ ءسوزى ەسكەرىلۋگە دە تاتىماعانى ما؟ زاڭ تىلىمەن ايتقاندا, قر ارپك 90-بابىنىڭ 1-تارماعىنا سايكەس مەملەكەتتىك ورگانداردىڭ باسشىلارى جانە ولاردىڭ ورىنباسارلارى ءتيىستى مەملەكەتتىك ورگاننىڭ باسشىسى بەكىتەتىن قابىلداۋ كەستەسىنە سايكەس ايىنا كەمىندە ءبىر رەت ازاماتتاردى جانە زاڭدى تۇلعالاردىڭ وكىلدەرىن, ونىڭ ىشىندە وسى ورگانداردىڭ قىزمەتكەرلەرىن جەكە قابىلداۋدى جۇرگىزۋگە مىندەتتى. سونىمەن قاتار «قر سوت جۇيەسى مەن سۋديالارىنىڭ مارتەبەسى تۋرالى» قر كونستيتۋتسيالىق زاڭىندا قر جوعارعى سوتى توراعاسىنىڭ ازاماتتاردى جەكە قابىلداۋ مىندەتى كوزدەلەدى (20-باپتىڭ 1-تارماعىنىڭ 10) تارماقشاسى)», دەپ ءتۇسىندىردى دەپۋتات.
ماجىلىسمەننىڭ ايتۋىنشا, بۇل زاڭداردى ورىنداۋدا, حالىقتىڭ سۇراۋىن قاناعاتتاندىرۋدا مەملەكەتتىك ورگاندار سالعىرتتىق تانىتىپ وتىر.
«جوعارىدا ايتىلعاندى ەسكەرە وتىرىپ, سىزدەردەن اتالعان لاۋازىمدى تۇلعالار مەن حالىقتىڭ اراسىندا كەدەرگىسىز بايلانىس ورناتۋ جولدارىن قاراستىرۋلارىڭىزدى جانە ازاماتتاردىڭ ارىزدارى سىرعىتپا جاۋاپ (وتپيسكا) دەڭگەيىندە قالماۋىن قاداعالاۋ جۇيەسىمەن قامتاماسىز ەتۋلەرىڭىزدى, ءتىپتى بولماسا, دەپۋتاتتاردىڭ ەسىگى كورىنبەيتىن كابينەتتەرگە ەلدىڭ ءوتىنىشىن جەتكىزۋگە مۇمكىندىك بەرۋلەرىڭىزدى قر پارلامەنتى ءماجىلىسى رەگلامەنتىنىڭ 11-تاراۋ 149-تارماعىنا سايكەس تالاپ ەتەمىن», دەپ ءسوزىن اياقتادى رينات زايتوۆ.
