تارازدىق «DEM» جەكە تەاترىنىڭ ارتىستەرى وينايتىن سپەكتاكل رۋحتى قالامگەر ورالحان بوكەيدىڭ «قاسقىر ۇلىعان تۇندە» اڭگىمەسىنىڭ جەلىسىمەن دايىندالعان.
ابسۋرد جانرىنداعى ءبىر ساعاتتىق كامەرالىق فورماتتاعى قويىلىمنىڭ وقيعاسى سوناۋ حح عاسىردىڭ جەتپىسىنشى جىلدارىندا ورىن العان. اۆتوردىڭ əڭگىمەدە وقىرمانعا قالدىرعان سۇراقتارىنا كوپشىلىك ءəلى دە جاۋاپ ىزدەۋدە. سپەكتاكلدىڭ كەيىپكەرلەرى دە وسى ىزدەنىستىڭ ۇستىندە جۇرەدى.
- بۇل سپەكتاكلدە باستى كەيىپكەر جوق. باستى كەيىپكەر – سول جىلدارداعى قوعام. 70-80 جىلدارداعى جۇيە, قورعانسىز ارايدىڭ, جاداعاي تىرشىلىك كەشكەن قازاق اۋىلى مەن تۇرعىنداردىڭ تاعدىرى سۋرەتتەلەدى. ءبىر ساعاتتىق قويىلىمدا كورەرمەن ۇمىتكە ۇمتىلعان قورعانسىز ادام جانىنىڭ قاتەگىزدىكپەن ايقاسىن سەزىنەدى, دەيدى سپەكتاكل رەجيسسەرى ەراسىل بيتانوۆ.
سپەكتاكل «رىسباەۆا ي كو» كومپانياسىنىڭ جانە «ا-STATUS» جەكەمەنشىك ءبىلىم كەشەنىنىڭ قۇرىلتايشىسى, بەلگىلى كاسىپكەر, مويىنقۇم اۋدانىنىڭ قۇرمەتتى ازاماتى ساۋلە ماقشانقىزى رىسباەۆانىڭ دەمەۋشىلىگىمەن قارجىلاندىرىلىپ, قويىلۋدا.
