فوتو: ۆيدەودان الىنعان كادر
الەۋمەتتىك جەلىدە تاراعان ۆيدەودان ەر ادامنىڭ تاپانشانى ءبىر قولىنان ەكىنشى قولىنا اۋىستىرىپ جاتقانىن انىق كورۋگە بولادى. ۆيدەو اۆتورىنىڭ مالىمەتىنشە, وقيعا № 106 اۆتوبۋستا بولعان.
جەلى قولدانۋشىلارىنىڭ ءبىرى مۇنى ءازىل دەپ قابىلداسا, ەندى ءبىرى الاڭداۋشىلىق بىلدىرگەن.
الماتى پوليتسيا دەپارتامەنتى ەر ادامنىڭ ۇستالعانىن حابارلادى.
«الەۋمەتتىك جەلىلەردى مونيتورينگتەۋ بارىسىندا قوعامدىق كولىككە تاپانشا ۇستاعان ەر ادامنىڭ مىنگەنى انىقتالدى. جەدەل ارەكەت ەتۋ بارىسىندا قاتىسۋشىنىڭ جەكە باسى تەكسەرىلدى. ول ۇستالىپ, پوليتسياعا جەتكىزىلدى. ەر ادام كۇزەتشى بولىپ جۇمىس ىستەيتىنىن, تاپانشانىڭ ويىنشىق ەكەنىن, ونى قالا بازارلارىنىڭ بىرىنەن ساتىپ العانىن ءتۇسىندىردى», دەلىنگەن حابارلامادا.
