«دارىن» مەملەكەتتىك جاستار سىيلىعىنا بايقاۋ جاريالاندى

ايتا كەتەيىك, بايقاۋعا 35 جاسقا دەيىنگى, مادەنيەت, عىلىم, مەديا جانە سپورتتا جەتىستىكتەرى بار ەل ازاماتتارى قاتىسا الادى. ولار – حالىقارالىق جانە رەسپۋبليكالىق كونكۋرستاردىڭ, فەستيۆالدار مەن ءتۇرلى شارالاردىڭ لاۋرەاتتارى, رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى, سونداي-اق اتالعان سالالار مەن تۇتاستاي قوعامدى دامىتۋعا ىقپال ەتكەن ۇمىتكەرلەر.

بايقاۋ 10 نوميناتسيا بويىنشا وتەدى:

• «ادەبيەت»;
• «عىلىم»;
• «ديزاين جانە بەينەلەۋ ونەرى»;
• «جۋرناليستيكا»;
• «كلاسسيكالىق مۋزىكا»;
• «كرەاتيۆتى باستامالار»;
• «سپورت»;
• «تەاتر جانە كينو»;
• «ەسترادا»;
• «حالىق شىعارماشىلىعى».

ۇمىتكەرلەردى «دارىن» جاستار سىيلىعىنا مەملەكەتتiك ورگاندار, قوعامدىق بiرلەستiكتەر ۇسىنادى. جەڭىمپازدارعا «دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە ولار ديپلوممەن, توسبەلگىلەرمەن سونداي-اق قارجىلاي سىيلىقپەن ماراپاتتالادى.

ەسكە سالا كەتەيىك, جىل سايىن سىيلىقتى تابىستاۋ قازاقستان رەسپۋبليكاسىنىڭ تاۋەلسىزدىك كۇنىن مەرەكەلەۋ اياسىندا وتكىزىلەدى. «دارىن» جاستار سىيلىعى 1992 جىلى دارىندى جاستاردى عىلىمي, شىعارماشىلىق, قوعامدىق قىزمەت, سونداي-اق جوعارى سپورتتىق جەتىستىكتەرى ءۇشىن مەملەكەتتىك قولداۋ ماقساتىندا تاعايىندالعان. سودان بەرى اتالعان سىيلىقتى ءتۇرلى سالاداعى 340-تان استام ازامات يەلەنگەن.

كونكۋرسقا قاتىسۋعا قۇجاتتار 2024 جىلعى 17 قاراشاعا دەيىن قازاقستان رەسپۋبليكاسى مادەنيەت جانە اقپارات مينيسترلىگىنىڭ جاستار جانە وتباسى ىستەرى كوميتەتى (قاعاز نۇسقادا) مىنا مەكەنجاي بويىنشا: استانا قالاسى, مانگىلىك ەل داڭعىلى 10, «مينيسترلىكتەر ءۇيى» عيماراتىندا (14-كىرەبەرىس) قابىلدايدى. ال ەلەكتروندىق نۇسقانى premiya.daryn@mki.gov.kz پوشتاسىنا جولداۋعا بولادى. بايلانىس نومىرلەرى: 8(7172) 74-05-25, 8(7172) 74-18-43, 8 701 170 46 54.

تولىعىراق مىنا سىلتەمەدەن كورۋگە بولادى.