اراب امىرلىكتەرى مەن ماروككو مەملەكەتتەرىندە قاتارى سيرەگەن قۇستى قولدان كوبەيتۋ تاجىريبەسى بۇرىننان بار. ال تۇركىستان وبلىسى بايدىبەك اۋدانىنداعى پيتومنيكتە دۋاداق ءوسىرىلىپ كەلە جاتقانىنا ونشاقتى جىلدان اسىپ قالدى. قازاقستان مەن ءباا بىرلەسە قولعا العان وسى شارۋا الدەقاشان «قىزىل كىتاپ» «كەيىپكەرىنە» اينالعان قۇستىڭ قاراسىن كوبەيتۋگە ايتارلىقتاي سەپتىگىن تيگىزىپ وتىر. وسىدان 5 جىل بۇرىن ەلىمىزدە ازايىپ بارا جاتقان قۇس ءتۇرىن قورعاپ, كوبەيتۋگە ەل نازارىن اۋدارۋ ءۇشىن دۋاداق «جىل قۇسى» بولىپ جاريالاندى.
«تابيعات اياسىنا جىبەرىلگەن قۇستاردىڭ بارىنە بىلەزىك تاعىلىپ, ولاردىڭ ميگراتسيا كەزىندەگى قوزعالىسىن باقىلاپ وتىرۋعا تەرى استىنا چيپ ورناتىلعان. قاناتتىلار اراسىندا اسا ساقتىعىمەن ەرەكشەلەنسە دە جايلى جەردە وسكەندىكتەن بۇلار اۋەلگىدە ەشكىمنەن قاۋىپ كۇتپەيدى. براكونەرلەر وسىنداي ءساتتى پايدالانىپ, ولاردى اتىپ الاتىن جاعداي دا كەزدەسەدى.
جالپى, ەرەكشە قورعاۋعا الىنعان قۇستارعا قارۋ كەزەگەندەر 700 اەك كولەمىندە ايىپپۇل ارقالايدى. مەملەكەتكە كەلتىرگەن زالالى تاعى ەسەپتەلەدى. سويتە تۇرا, ەبىن تاۋىپ اتىپ الاتىندار بار. سولار قۇلقىنىن ەمەس, تابيعات بايلىعىنىڭ قۇرىماۋىن ويلاسا ەكەن», دەيدى «وحوتزووپروم» ءوب» رمقك قىزىلوردا فيليالى باسشىسىنىڭ ورىنباسارى نۇريدين قاسىموۆ.
قىزىلوردا
