فوتو: Tengrinews.kz
جول اپاتى ساتباەۆ پەن جەزقازعان قالالارىنىڭ اراسىنداعى تاس جولدا بولعان. بەينەجازبا اۆتورى مارقۇمنىڭ ءىس-شاراعا جالدانعان موبيلوگراف بولعانىن العا تارتقان.
وبلىستىق پوليتسەيلەر تاس جول بويىنداعى جانار-جاعارماي قۇيۋ بەكەتىنەن شىعا بەرىستە ءۇش كولىك جول اپاتىنا ۇشىراعانىن حابارلادى.
«14 قىركۇيەك كۇنى ساعات 18:30 شاماسىندا KIA Sportage, Toyota Land Cruiser 200 جانە Skoda Yeti كولىكتەرى جول اپاتىنا ۇشىرادى. وقيعا ساتباەۆ پەن جەزقازعان قالالارىنىڭ اراسىنداعى جولدا بولدى. اپات سالدارىنان ءبىر جولاۋشى قازا تاپتى. وقيعا ورنىنان بەس ادام ءتۇرلى دەنە جاراقاتتارىمەن اۋرۋحاناعا جەتكىزىلدى», دەلىنگەن وبلىستىق پوليتسيانىڭ حابارلاماسىندا.
