فوتو: اقوردا ءباسپاسوز قىزمەتى
عاني بەيسەمباەۆ پرەزيدەنتكە وتكەن جىلى 137 مىڭ وقۋشىعا ارنالعان 154 جاڭا مەكتەپ اشىلعانىن باياندادى. بۇل 29 ءۇشاۋىسىمدى, 12 اپاتتى مەكتەپتىڭ ماسەلەسىن شەشكەن. جاڭا وقۋ جىلىندا 365 مىڭ وقۋشىعا ەسەپتەلگەن 221 ءبىلىم وشاعىن پايدالانۋعا بەرۋ جوسپارلانىپ وتىر. مەكتەپتەردى پاندىك كابينەتتەرمەن جابدىقتاۋ كورسەتكىشى 2 ەسە ارتىپ, ينتەرنەتتىڭ ساپاسى جاقسارعان.
وقۋ-اعارتۋ ءمينيسترى تاربيە جۇمىستارى باسىم باعىتتاردىڭ ءبىرى بولىپ قالا بەرەتىنىن ايتتى. «ادال ادام – ادال ەڭبەك – ادال تابىس» جالپىۇلتتىق قۇندىلىقتارىنا نەگىزدەلگەن ء«بىرتۇتاس تاربيە» باعدارلاماسى قولعا الىندى.
مەملەكەت باسشىسىنا ورتا ءبىلىم ساپاسىن ارتتىرۋ تۋرالى ايتىلدى. مەكتەپ وقۋلىقتارى تولىقتاي تسيفرلىق فورماتقا كوشىرىلگەن. قازاقستان اتىنان حالىقارالىق وليمپيادالارعا قاتىسقان ءاربىر ەكىنشى وقۋشى جۇلدەلى ورىندارعا يە بولىپ ءجۇر. بىلتىر ەل وقۋشىلارى 58 التىن مەدال جەڭىپ العان.
پرەزيدەنتكە تەحنيكالىق جانە كاسىپتىك ءبىلىم بەرۋ جۇيەسىن ترانسفورماتسيالاۋ, ينكليۋزيۆتى جانە ارنايى وقىتۋدى دامىتۋ جونىندەگى جوبالار تانىستىرىلدى.
كەزدەسۋ سوڭىندا مەملەكەت باسشىسى وقۋ-اعارتۋ مينيسترىنە سالانى ودان ءارى جەتىلدىرۋ جانە بالالاردىڭ قاۋىپسىزدىگىن قامتاماسىز ەتۋ بويىنشا بىرقاتار تاپسىرما بەردى.
