ۇلتتىق قۇندىلىعىمىزدىڭ وزەگى بولىپ تابىلاتىن وتباسىلىق داستۇرلەردى دارىپتەۋگە ارنالعان اكتسياعا 1 ميلليوننان استام اتا-انا قاتىسادى دەگەن بولجام بار. جوبا اياسىندا 10 مىڭنان استام اۋقىمدى ءىس-شارا وتكىزىلەدى.
اكتسيانىڭ ماقساتى بالالاردى وقىتۋ مەن تاربيەلەۋدە وتباسى مەن مەكتەپتىڭ ءوزارا ىنتىماقتاستىعىن كۇشەيتۋ, ءپوزيتيۆتى اتا-انا مادەنيەتىن دامىتۋ جانە بالالاردىڭ ۇيلەسىمدى دامۋى ءۇشىن ءبىلىم بەرۋ مەكەمەلەرىندە قولايلى ورتا قالىپتاستىرۋ بولىپ تابىلادى.
ء«بىر اپتا ىشىندە ەلىمىزدىڭ ءبىلىم بەرۋ مەكەمەلەرى شىعارماشىلىق كونكۋرستار, شەبەرلىك سىنىپتارىن, وتباسىلىق تاقىرىپتىق ويىندار جانە تاعى باسقا اۋقىمدى ءىس-شارالار باعدارلاماسىن ۇيىمداستىرادى. مەكتەپ پسيحولوگتارى مەن پەداگوگتەر بالا مەن اتا-انانىڭ ءوزارا قارىم-قاتىناسىن جاقسارتۋ ءۇشىن ينتەراكتيۆتى ترەنينگتەر وتكىزەدى. اكتسيا وتباسىلىق جانە ۇلتتىق داستۇرلەرگە ارنالعان مەرەكەلىك باعدارلامامەن قورىتىندىلانادى», دەدى «وركەن» بااۇعپي-نىڭ ءبىرىنشى ۆيتسە-پرەزيدەنتى ەلەنا ساكەنوۆا.
ايتا كەتەيىك, «وتباسىم – ماقتانىشىم» اكتسياسى ء«بىرتۇتاس تاربيە» باعدارلاماسى اياسىندا قۇرىلعان مەكتەپتەردەگى اتا-انالارعا پەداگوگيكالىق قولداۋ كورسەتۋ ورتالىقتارىنىڭ ۇيىمداستىرۋىمەن وتكىزىلەدى.
