فوتو: اقوردا ءباسپاسوز قىزمەتى
كەزدەسۋدە Alatau City جوباسىن جۇزەگە اسىرۋ پەرسپەكتيۆاسى تالقىلاندى.
اتاپ ايتقاندا, قاسىم-جومارت توقاەۆ پەن ۆونگ حەن فاين شەتەلدىڭ ينۆەستيتسياسىن, تەحنولوگياسىن جانە ءبىلىم الەۋەتىن تارتا وتىرىپ, الاتاۋ قالاسىن ءتيىمدى دامىتۋ جونىندە ەگجەي-تەگجەيلى پىكىر الماستى.
پرەزيدەنت سينگاپۋرلىق Surbana Jurong كومپانياسىمەن بىرلەسە دايىندالعان الاتاۋ قالاسىنىڭ باس جوسپارى بيىل مامىر ايىندا قابىلدانعانىن ايتتى.
مەملەكەت باسشىسى وسى تەكتەس جوبالاردى جۇزەگە اسىرۋدا ۆونگ حەن فايننىڭ مول تاجىريبەسى بار ەكەنىن اتاپ ءوتتى. سوندىقتان ونىڭ باس كونسۋلتانت رەتىندە بەرگەن ۇسىنىمدارى حالىقارالىق بيزنەس-حابقا اينالۋدى كوزدەيتىن جاڭا قالانى جوبالاۋ جانە سالۋ ىسىندە ناقتى ناتيجەگە ۇلاساتىنىنا سەنىم ءبىلدىردى.
