ول جۇمىس ورىندارىنا قاۋىپتى ەمەس
ءىرى ەلدەر اراسىنداعى گەوساياسي مۇددەلەردەن تۋىنداعان تەكەتىرەستەر مەن مۇناي باعاسىنىڭ الەمدىك دەڭگەيدە قۇلدىراۋى قاراپايىم حالىقتى ءبىراز الاڭداۋشىلىققا الىپ كەلگەن بولاتىن. اسىرەسە, مۇنايلى ماڭعىستاۋدا «مۇناي مەكەمەلەرىندە قىسقارتۋلار جۇرەدى ەكەن» نەمەسە «مۇناي باعاسىنىڭ تومەندەۋىنە بايلانىستى مۇنايشىلاردىڭ دا ايلىق جالاقىسى ازاياتىن بولىپتى» دەگەن اڭگىمەلەر قىلاڭ بەرە باستاعان ەدى. الايدا, ماڭعىستاۋ وبلىسى اكىمىنىڭ ءباسپاسوز قىزمەتى ۇسىنعان اقپار ولكەدەگى اتالمىش سالاداعى الدىن الۋ شارالارىنىڭ بارىسىنان حاباردار ەتتى. ايتۋىنشا, ماڭعىستاۋ وبلىسىنداعى ءىرى مۇناي ءوندىرۋشى كومپانيالار ءوز جۇمىسشىلارى الدىنداعى الەۋمەتتىك مىندەتتەمەلەرىن ورىندايتىندىقتارىن ناقتىلاي تۇسكەن.
قاڭتاردىڭ 15-ءى كۇنى ماڭعىستاۋ وبلىسىنىڭ اكىمى ا.ايدارباەۆ وڭىردەگى ءىرى مۇناي جانە گاز ءوندىرۋشى كومپانيالار باسشىلارىمەن كەزدەسىپ, مۇناي باعاسىنىڭ تومەندەۋىنە بايلانىستى الداعى ۋاقىتتا ەڭبەك ۇجىمدارىنداعى الەۋمەتتىك تۇراقتىلىقتى ساقتاۋ ماسەلەسىن تالقىلادى.
وتكەن جىلدىڭ باسىنان باستاپ الەمدىك نارىقتا مۇناي باعاسىنىڭ تومەندەۋى بايقالعاندىعىن, قازىرگى تاڭدا باررەلىنە 46 دوللار بولىپ تۇرعاندىعىن, ونىڭ ايماقتاعى مۇناي ءوندىرۋشى كاسىپورىنداردىڭ قارجىلىق-شارۋاشىلىق احۋالىندا كورىنىس بەرگەندىگىن ايتقان ا.ايدارباەۆ قازىرگى تاڭداعى ەڭ وزەكتى ماسەلە وبلىستاعى كاسىپورىندار قىزمەتىنىڭ تۇراقتىلىعىن ۇستاپ قالۋ ەكەندىگىن نازارعا بەردى.
– الدىمەن جۇمىس ورىندارىن ساقتاپ, جالاقىنىڭ تومەندەۋى مەن جۇمىس ورىندارىنىڭ قىسقارۋىنا جول بەرمەۋ كەرەك. ءبىز بيىل جانە الداعى جىلى بارلىق كاسىپورىنداردا ءارتۇرلى جاعدايلاردا تۇراقتىلىقتى, جۇمىس ورىندارىن ساقتاۋ ءۇشىن قاجەتتى ءتيىستى شارالاردى قامتاماسىز ەتۋگە ءتيىسپىز. بۇل كاسىپورىن باسشىلارى مەن كاسىپوداق ۇيىمدارى توراعالارىنىڭ الدىندا تۇرعان مىندەت. ءبىز ءوڭىر تۇرعىندارىنىڭ الەۋمەتتىك احۋالىنىڭ ناشارلاۋىنا جول بەرمەۋ ءۇشىن بارلىق مۇمكىندىكتەردى قاراستىرۋىمىز قاجەت, – دەدى ول.
ماڭعىستاۋ وبلىسى اكىمىنىڭ ورىنباسارى ش.يلمۋحانبەتوۆا ەلىمىزدىڭ جانە ماڭعىستاۋ وبلىسىنىڭ كەلەشەكتەگى ەكونوميكالىق ساياساتىنىڭ نەگىزگى باعىتتارى تۋرالى حاباردار ەتسە, «ماڭعىستاۋمۇنايگاز» اق, «وزەنمۇنايگاز» اق, «قاراجانباسمۇناي» اق جانە «بۋزاچيوپەرەيتينگ لتد» كومپانياسى فيليالى باسشىلارى 2015 جىلعا ارنالعان وندىرىستىك جوسپارلارى تۋرالى باياندادى.
ا.ايدارباەۆ ماڭعىستاۋ وبلىسى اكىمدىگى مەن ماڭعىستاۋ وبلىستىق كاسىپوداقتار كەڭەسى, ماڭعىستاۋ وبلىستىق ۇلتتىق كاسىپكەرلەر پالاتاسى جانە كاسىپورىندار باسشىلارى اراسىندا ارىپتەستىك مەموراندۋمىنا قىسقا مەرزىمدە قول قويۋعا ۇسىنىس ءبىلدىردى. قۇجاتتا كاسىپورىنداردىڭ ەڭبەك ۇجىمدارىندا تۇراقتىلىقتى قامتاماسىز ەتۋ, ونىڭ ىشىندە جۇمىس ورىندارىن ساقتاۋ جانە قىزمەتكەرلەردى نەگىزسىز جاپپاي جۇمىستان بوساتۋدىڭ الدىن الۋ, تاراپتاردىڭ كەلىسىلگەن شارالاردى قازاقستان زاڭنامالارىنا ساي جۇزەگە اسىرۋ ارقىلى الەۋمەتتىك سالداردى بارىنشا ازايتۋ جۇمىستارى ايقىن جازىلعان. مەموراندۋممەن تانىسۋدان سوڭ تاراپتار وعان 20 قاڭتاردا قول قويادى دەپ كۇتىلۋدە.
ارينە, قارجى-ەكونوميكالىق تۇرعىداعى الەمدىك احۋالدىڭ, حالىقارالىق جاعدايدىڭ قالاي بولماسىن وزگە ەلدەرگە وزىندىك اسەرى بولماي تۇرمايتىنى بەلگىلى. الىپ ەلدەردىڭ ءوزىنىڭ سالى سۋعا كەتكەندەي اۋرە-سارساڭعا تۇسكەن كەزەڭدە ءبىز ىشكى تۇراقتىلىقتى ساقتاپ قالا الساق – ول ۇلكەن مەرەي.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
ءىرى ەلدەر اراسىنداعى گەوساياسي مۇددەلەردەن تۋىنداعان تەكەتىرەستەر مەن مۇناي باعاسىنىڭ الەمدىك دەڭگەيدە قۇلدىراۋى قاراپايىم حالىقتى ءبىراز الاڭداۋشىلىققا الىپ كەلگەن بولاتىن. اسىرەسە, مۇنايلى ماڭعىستاۋدا «مۇناي مەكەمەلەرىندە قىسقارتۋلار جۇرەدى ەكەن» نەمەسە «مۇناي باعاسىنىڭ تومەندەۋىنە بايلانىستى مۇنايشىلاردىڭ دا ايلىق جالاقىسى ازاياتىن بولىپتى» دەگەن اڭگىمەلەر قىلاڭ بەرە باستاعان ەدى. الايدا, ماڭعىستاۋ وبلىسى اكىمىنىڭ ءباسپاسوز قىزمەتى ۇسىنعان اقپار ولكەدەگى اتالمىش سالاداعى الدىن الۋ شارالارىنىڭ بارىسىنان حاباردار ەتتى. ايتۋىنشا, ماڭعىستاۋ وبلىسىنداعى ءىرى مۇناي ءوندىرۋشى كومپانيالار ءوز جۇمىسشىلارى الدىنداعى الەۋمەتتىك مىندەتتەمەلەرىن ورىندايتىندىقتارىن ناقتىلاي تۇسكەن.
قاڭتاردىڭ 15-ءى كۇنى ماڭعىستاۋ وبلىسىنىڭ اكىمى ا.ايدارباەۆ وڭىردەگى ءىرى مۇناي جانە گاز ءوندىرۋشى كومپانيالار باسشىلارىمەن كەزدەسىپ, مۇناي باعاسىنىڭ تومەندەۋىنە بايلانىستى الداعى ۋاقىتتا ەڭبەك ۇجىمدارىنداعى الەۋمەتتىك تۇراقتىلىقتى ساقتاۋ ماسەلەسىن تالقىلادى.
وتكەن جىلدىڭ باسىنان باستاپ الەمدىك نارىقتا مۇناي باعاسىنىڭ تومەندەۋى بايقالعاندىعىن, قازىرگى تاڭدا باررەلىنە 46 دوللار بولىپ تۇرعاندىعىن, ونىڭ ايماقتاعى مۇناي ءوندىرۋشى كاسىپورىنداردىڭ قارجىلىق-شارۋاشىلىق احۋالىندا كورىنىس بەرگەندىگىن ايتقان ا.ايدارباەۆ قازىرگى تاڭداعى ەڭ وزەكتى ماسەلە وبلىستاعى كاسىپورىندار قىزمەتىنىڭ تۇراقتىلىعىن ۇستاپ قالۋ ەكەندىگىن نازارعا بەردى.
– الدىمەن جۇمىس ورىندارىن ساقتاپ, جالاقىنىڭ تومەندەۋى مەن جۇمىس ورىندارىنىڭ قىسقارۋىنا جول بەرمەۋ كەرەك. ءبىز بيىل جانە الداعى جىلى بارلىق كاسىپورىنداردا ءارتۇرلى جاعدايلاردا تۇراقتىلىقتى, جۇمىس ورىندارىن ساقتاۋ ءۇشىن قاجەتتى ءتيىستى شارالاردى قامتاماسىز ەتۋگە ءتيىسپىز. بۇل كاسىپورىن باسشىلارى مەن كاسىپوداق ۇيىمدارى توراعالارىنىڭ الدىندا تۇرعان مىندەت. ءبىز ءوڭىر تۇرعىندارىنىڭ الەۋمەتتىك احۋالىنىڭ ناشارلاۋىنا جول بەرمەۋ ءۇشىن بارلىق مۇمكىندىكتەردى قاراستىرۋىمىز قاجەت, – دەدى ول.
ماڭعىستاۋ وبلىسى اكىمىنىڭ ورىنباسارى ش.يلمۋحانبەتوۆا ەلىمىزدىڭ جانە ماڭعىستاۋ وبلىسىنىڭ كەلەشەكتەگى ەكونوميكالىق ساياساتىنىڭ نەگىزگى باعىتتارى تۋرالى حاباردار ەتسە, «ماڭعىستاۋمۇنايگاز» اق, «وزەنمۇنايگاز» اق, «قاراجانباسمۇناي» اق جانە «بۋزاچيوپەرەيتينگ لتد» كومپانياسى فيليالى باسشىلارى 2015 جىلعا ارنالعان وندىرىستىك جوسپارلارى تۋرالى باياندادى.
ا.ايدارباەۆ ماڭعىستاۋ وبلىسى اكىمدىگى مەن ماڭعىستاۋ وبلىستىق كاسىپوداقتار كەڭەسى, ماڭعىستاۋ وبلىستىق ۇلتتىق كاسىپكەرلەر پالاتاسى جانە كاسىپورىندار باسشىلارى اراسىندا ارىپتەستىك مەموراندۋمىنا قىسقا مەرزىمدە قول قويۋعا ۇسىنىس ءبىلدىردى. قۇجاتتا كاسىپورىنداردىڭ ەڭبەك ۇجىمدارىندا تۇراقتىلىقتى قامتاماسىز ەتۋ, ونىڭ ىشىندە جۇمىس ورىندارىن ساقتاۋ جانە قىزمەتكەرلەردى نەگىزسىز جاپپاي جۇمىستان بوساتۋدىڭ الدىن الۋ, تاراپتاردىڭ كەلىسىلگەن شارالاردى قازاقستان زاڭنامالارىنا ساي جۇزەگە اسىرۋ ارقىلى الەۋمەتتىك سالداردى بارىنشا ازايتۋ جۇمىستارى ايقىن جازىلعان. مەموراندۋممەن تانىسۋدان سوڭ تاراپتار وعان 20 قاڭتاردا قول قويادى دەپ كۇتىلۋدە.
ارينە, قارجى-ەكونوميكالىق تۇرعىداعى الەمدىك احۋالدىڭ, حالىقارالىق جاعدايدىڭ قالاي بولماسىن وزگە ەلدەرگە وزىندىك اسەرى بولماي تۇرمايتىنى بەلگىلى. الىپ ەلدەردىڭ ءوزىنىڭ سالى سۋعا كەتكەندەي اۋرە-سارساڭعا تۇسكەن كەزەڭدە ءبىز ىشكى تۇراقتىلىقتى ساقتاپ قالا الساق – ول ۇلكەن مەرەي.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
