جيىندا مەملەكەت باسشىسىنىڭ جولداۋىندا بەلگىلەنگەن مىندەتتەردى جۇزەگە اسىرۋ جولدارى, ىشكى ساياسات باعىتىنداعى جۇمىس بارىسى, ەتنوسارالىق جانە كونفەسسياارالىق كەلىسىمدى نىعايتۋ, ونوماستيكا, اقپارات سالاسى جانە جاستار ساياساتى ماسەلەلەرى تالقىلاندى.
مەملەكەتتىك كەڭەسشى وبلىستاعى بىرقاتار مەكتەپتىڭ ديرەكتورلارىمەن كەزدەسىپ, ء«بىرتۇتاس تاربيە» اتتى جاڭا باعدارلامانى جۇزەگە اسىرۋ ماسەلەسىنە قاتىستى پىكىر الماستى.
سونداي-اق, ەرلان قارين قر پرەزيدەنتى جانىنداعى جاستار ساياساتى جونىندەگى كەڭەستىڭ كوشپەلى وتىرىسىن وتكىزدى. كەڭەس مۇشەلەرى قازىرگى ەڭ وزەكتى تاقىرىپتىڭ ءبىرى – جاستاردى جۇمىسپەن قامتۋ جانە جۇمىسشى ماماندىقتاردىڭ مارتەبەسىن كوتەرۋ ماسەلەسىن تالقىلادى. بۇل باسقوسۋ ايماقتاعى ەڭ ءىرى ءوندىرىس ورتالىعى سانالاتىن «Allur» زاۋىتىنىڭ الاڭىندا ءوتتى. وعان وسى كاسىپورىننىڭ جاس ماماندارى قاتىستى.
ەرلان قارين كەڭەستىڭ جاستار ساياساتىنىڭ وزەكتى ماسەلەلەرىن شەشۋگە باستاماشى بولىپ, پرەزيدەنتتىڭ جاستارعا قاتىستى رەفورمالارىن جۇزەگە اسىرۋعا بەلسەندى اتسالىسىپ كەلە جاتقانىن ايتتى.
ودان كەيىن مەملەكەتتىك كەڭەسشى اۆتوموبيل كولىگى كوللەدجىنىڭ ستۋدەنتتەرىمەن كەزدەستى.
«پرەزيدەنتتىڭ 2025 جىلدى «جۇمىسشى ماماندىقتار جىلى» دەپ جاريالاۋى مەملەكەتتىڭ كاسىپتىك ءبىلىم بەرۋ ءىسىن ودان ءارى دامىتۋعا مۇددەلى ەكەنىن بىلدىرەدى», دەدى ەرلان قارين.
بۇدان بولەك, ەرلان قارين جولداۋدى ءتيىمدى جۇزەگە اسىرۋدىڭ جانە اتوم ەلەكتر ستانساسىن سالۋ ماسەلەسىنە قاتىستى الداعى رەفەرەندۋمنىڭ ماڭىزى تۋرالى ايتتى.
مەملەكەتتىك كەڭەسشى وتكىزگەن كەزدەسۋلەردىڭ قورىتىندىسى بويىنشا قۇزىرلى ورگاندارعا ىشكى ساياسات سالاسىنداعى جۇمىستى جەتىلدىرۋ بويىنشا ناقتى ۇسىنىستار مەن تاپسىرمالار بەرىلدى.
