فوتو: اشىق دەرەككوز
تاجىكستان رەسپۋبليكاسى ءىىم حابارلاۋىنشا, وقيعا دۋشانبەدەگى ورتالىق مەشىتتىڭ جانىندا ساعات 17:20 شاماسىندا بولعان.
«بۇگىن ماسكەۋ ۋاقىتىمەن ساعات 17:20-دا دۋشانبە قالاسىنىڭ ورتالىق مەشىتىنىڭ جانىندا ءبىر ادام نامازدان كەيىن تاجىكستان عۇلامالار كەڭەسىنىڭ توراعاسى سايدمۋكاررام ابدۋلكوديرزودانى پىشاقتاپ كەتتى. شابۋىل جاساعان ازامات ۇستالدى», دەلىنگەن حابارلامادا.
پىشاق جاراقاتى سالدارىنان باس ءمۇفتي جەڭىل دەنە جاراقاتىن العان. وعان جەدەل كومەك كورسەتىلىپ, ۇيىنە جونەلتىلگەنى حابارلاندى.
اتالعان فاكتى بويىنشا قىلمىستىق ءىس قوزعالىپ, الدىن الا تەرگەۋ امالدارى جۇرگىزىلىپ جاتىر.
