فوتو: اشىق دەرەككوز
«وقۋ ماۋسىمىنىڭ باستالۋىمەن جولاۋشىلار سانىنىڭ ارتۋىنا بايلانىستى, سونداي-اق قالالىق باعدارلاردا تۇنگى اۆتوبۋستاردى پايدالانۋ تيىمدىرەك بولاتىنىن ەسكەرە كەلە, تۇنگى ماۋسىمدىق باعدارلار قوزعالىسىن 14 قىركۇيەك سەنبىدەن 15 قىركۇيەك جەكسەنبىگە قاراعان ءتۇنى توقتاتۋ شەشىمى قابىلداندى», دەپ حابارلادى «City Transportation systems» جشس.
ايتا كەتەيىك, № 201, 202 جانە 203 تۇنگى باعدارلارى ىسكە قوسىلعان كۇننەن باستاپ 21 116 جولاۋشى تاسىمالدانعان.
- №201 باعدارمەن 10 534 جولاۋشى;
- № 202 باعدارمەن 5 061 جولاۋشى;
- № 203 باعدارمەن 5 521 جولاۋشى جۇرگەن.
سالىستىرمالى تۇردە وسى كەزەڭدە ءبىر قالالىق باعدارمەن ورتاشا ەسەپپەن 500 مىڭعا جۋىق جولاۋشى جۇرگەن. بۇل تۇنگى باعدارلارعا قاراعاندا الدەقايدا ۇلكەن كورسەتكىش ەكەنى اتاپ ءوتىلدى.
تۇنگى باعدارلاردىڭ جۇمىسىن جوسپارلاۋ ءۇشىن CTS الداعى ۋاقىتتا ساۋالناما جۇرگىزەدى. ەل ازاماتتارى @cts_kz Instagram پاراقشاسىنىڭ پروفيلىندەگى سىلتەمە ارقىلى ساۋالناماعا قاتىسا الادى.
