فوتو اشىق دەرەككوز
تالاپكەرلەردىڭ باسىم بولىگى – 241 تۇلەك «سۋ رەسۋرستارى جانە سۋدى پايدالانۋ» ماماندىعىن تاڭدادى. ال, «گيدروگەولوگيا جانە گەوەكولوگيا» ماماندىعى بويىنشا 150 تالاپكەر, «گيدرولوگيا» ماماندىعى بويىنشا 95 تۇلەك وقۋعا ءتۇستى. 26 ادام «گيدروتەحنيكالىق قۇرىلىس», 11 تالاپكەر «سۋمەن جابدىقتاۋ جانە سۋ بۇرۋ» ماماندىقتارىن تاڭدادى.
ء«بىز سۋ سالاسىنىڭ كادرلىق الەۋەتىن ارتتىرۋ بويىنشا جۇمىستى جالعاستىرامىز. بيىل مەملەكەت باسشىسىنىڭ تاپسىرماسى بويىنشا قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى اشىلىپ, 129 تالاپكەر باكالاۆرياتقا گرانتقا ءتۇستى. سونداي-اق, مينيسترلىك 9 جوو-مەن ىنتىماقتاستىق تۋرالى مەموراندۋمعا قول قويدى. وسىنىڭ ناتيجەسىندە بيىل 82 ستۋدەنت «قازسۋشار» فيليالدارىندا وندىرىستىك تاجىريبەدەن ءوتتى, بۇل وتكەن جىلعى كورسەتكىشتەن ايتارلىقتاي كوپ», دەدى سۋ رەسۋرستارى جانە يرريگاتسيا ءبىرىنشى ۆيتسە-ءمينيسترى بولات بەكنياز.
