– استانا قالاسىندا ءوتىپ جاتقان كوشپەلىلەردىڭ كەزەكتى 5-ويىنى قازىرگى تاڭدا ەجەلگى مادەنيەتىنىڭ جۇرناعىن ساقتاپ وتىرعان موڭعوليا, قازاقستان, قىرعىزستان جانە وزبەكستان قاتارلى ەلدەردىڭ سىرتىندا دۇنيەجۇزىلىك ەتنوستاردى كوشپەلىلەر مادەنيەتى تۋىنىڭ استىنا توعىستىرعان كەرەمەت وقيعا ەكەنىن اڭعاردىم. بۇل شارا – كوشپەلىلەر مادەنيەتى, كوشپەلىلەردىڭ سپورتتىق-جاۋىنگەرلىك ونەرىنىڭ تەك دالالىقتارعا عانا ءتان ەمەس كۇللى ادامزات بالاسىنا ورتاق ەكەنىنە دالەل ىسپەتتى ءوتىپ جاتىر.
وسى ورايدا, تاعى ءبىر ايتاتىن دۇنيە – ءاربىر مادەني ءھام ساياسي شارالاردىڭ جوعارى دەڭگەيدە ءوتۋى سول ەلدىڭ ەكونوميكالىق دامۋ قۋاتىن اڭعارتاتىن كورسەتكىش. وسى تۇرعىدان الىپ قاراعاندا, استانادا ءوتىپ جاتقان اتالعان ويىن قازاقستاننىڭ وركەندەۋ مودەلىنىڭ ايعاعى ىسپەتتى. قازىردىڭ وزىندە بۇل ويىنعا الەمنىڭ 90-عا جۋىق ەلى قاتىسىپ جاتىر. وسىعان قاراعاندا بۇل ويىننىڭ بولاشاعى زور ەكەنىن اڭعارۋعا بولادى.
