استانا – ماحابباتىم مەنىڭ

ەلباسى نۇرسۇلتان نازار­باەۆ استاناداعى “قازاقستان” ورتالىق كونتسەرت زالىندا وتكەن “استانا – ماحابباتىم مەنىڭ” اتتى 12 سەريا­لى تەلەحيكايانىڭ تۇساۋكەسەر راسىمىنە قاتىستى. پرەزيدەنت ءوز سوزىندە بۇل تەلە­حي­كايانىڭ استانا تۋرالى ەڭ ال­عاشقى ءىرى جوبا ەكەنىن اتاپ ءوتىپ, اۆتورلاردى ءساتتى تۋىندىنىڭ دۇنيەگە كەلۋىمەن قۇتتىقتادى, دەپ حابارلادى قازاق­ستان رەس­پۋبليكاسى پرەزي­دەنتىنىڭ ءباسپاسوز قىزمەتى. تۋىندىنى قازاقستان مەن باۋىر­لاس تۇركيا كينوگەرلەرى ءبىر­لەسىپ تۇسىرگەن. مادەنيەت ءمينيسترى مۇحتار قۇل-مۇحاممەدتىڭ اي­تۋىن­شا, قازاقستان ەلباسى نۇرسۇلتان نازارباەۆتىڭ باسشىلىعىمەن ءىرى ەكونوميكالىق تابىستارعا جەتتى, سونىڭ ارقاسىندا وسىنداي ايتۋلى شىعارماشىلىق جوبالاردى جاساۋ­عا مۇمكىندىكتەر تۋىپ وتىر. ء“سىز استانانى اسەم شاھارعا اينال­دى­رىپ قانا قويعان جوقسىز. ءدىن لي­دەر­لەرىن شاقىردىڭىز, ءدىن ادام­دارىنىڭ جۇرەگى تازا, ورنى دا تازا بولادى. سولاردىڭ بارلىعىنىڭ با­تاسىمەن نۇرلاندىق. ولار وسىن­دا كەلگەن كەزدە سىزگە بۇكىل دۇنيە جۇزىندەگى تاتۋلىق پەن بىرلىكتىڭ ليدەرى دەگەن باتاسىن بەرىپ, شىن كوڭىلدەن مويىندادى”, – دەدى مينيستر مۇحتار قۇل-مۇحاممەد مەملەكەت باسشىسىنا قاراتىپ. تەلەحيكاياداعى وقيعا بىلاي ءور­بيدى: 1985 جىلدىڭ قاقاعان قىسى. تسەلينوگراد قالاسىنىڭ ۇستىنەن ۇشىپ بارا جاتقان ۇشاقتاعى ءابى­گەر. تۇركيالىق داۋلەتتى ادامنىڭ ايەلى بوسانىپ, دۇنيەگە قىز اكەلەدى. جولاۋشىلاردىڭ ىشىندە جالعىز دارىگەر كەلىنشەك بار ەدى. ەكى جاسار ۇلىمەن كەلە جاتقان. الگى ايەلدى سول بوساندىرىپ الادى. كومەگىنە رازى بولعان تۇركيالىق حانىم قۇدا بولۋعا نيەت بىلدىرەدى. ارادا 24 جىل وتكەندە وقيعا قاي­تا جاندانادى. بۇل كەزدە قا­زاق­ستان تاۋەلسىز ەل اتانىپ, باياعى تسەلينوگرادتىڭ ورنىنا اجارلى استانا سالعان. كىندىك قانى استانا اسپانىندا تامعان ءىنجۋ مەن سول كەز­دە 2 جاستا بولعان ەرلان قايتا تابى­سادى. ءبىرىن-ءبىرى ۇناتقان ەكى جاستىڭ باسىنان كەشكەن شىتىر­مان وقي­عالار تۇگەلىمەن استانادا ءوربيدى... تەلەحيكايانىڭ قويۋشى رەجيس­سەرى ەرمەك شىنارباەۆ كورەرمەن قاۋىمعا تەلەحيكايا كەيىپكەرلەرىن سوم­داعان باكار اكچا, ءادىل احمە­توۆ, جاننا قۋانىشەۆا, گۇلنار دوسماتوۆا, ەرمان بۋرمالي, ەردال دجيندورۋك قاتارلى ارتىستەرمەن تانىستىردى. باستى ءرولدى ويناعان باكار اكچا وسى تەلەتۋىندىعا ءتۇسۋ ار­قىلى اس­تا­ناداي كورىكتى قالامەن, قازاقستاننىڭ كەڭپەيىلدى, قوناق­جاي ادامدارىمەن تانىسۋ باقى­تىنا يە بولعانىن ايتتى. اسىرەسە, ونىڭ ەلباسىمەن جۇزدەسكەن ءساتى ەسىندە قالىپتى. – ءسىزدى ءبىز تۇركى دۇنيەسىنىڭ كوشباسشىسى, قازاقتىڭ اتاتۇرىگى سانايمىز. قۇپيالاۋ بولسا دا ءبىر جاعىمدى جاڭالىقتى ايتايىن, جاقىندا ءبىزدىڭ ەلدە سىزگە ەسكەرت­كىش ورناتپاق. ءوزىڭىزدى ماقتاعاندى جاقسى كورمەيتىنىڭىزدى بىلەمىز, الايدا بۇل ءسىزدى شىن قۇرمەتتەيتىن جانە قادىر تۇتاتىن تۇركى حال­قى­نىڭ جۇرەگىنەن شىعىپ وتىر, – دەدى ول. جوبانىڭ تەلەۆيزيالىق نۇس­قاسى 1 شىلدەدەن باستاپ “حابار” تەلەارناسىنان كورسەتىلە باستايدى.