فوتو: حابار24
ءىس مەدەۋ اۋدانىنىڭ №2 اۋداندىق سوتىندا قارالدى.
الماتى قالالىق سوتىنىڭ ءباسپاسوز قىزمەتىنەن حابارلاعانداي, 2019-2023 جىلدار ارالىعىندا گيمنازيالاردىڭ ءبىرىنىڭ باس بۋحگالتەرى وقۋ ورنىنىڭ بانكتىك شوتتارىنا قول جەتكىزە وتىرىپ, ينتەرنەت-بانكينگ ارقىلى ءوزىنىڭ جەكە شوتىنا جانە تاعى باسقا ادامنىڭ شوتىنا اقشا اۋدارعان.
كەلتىرىلگەن ماتەريالدىق شىعىننىڭ جالپى سوماسى شامامەن 23 ميلليون تەڭگەنى قۇرادى.
سوتتالۋشى سوتتا ءوز كىناسىن تولىق مويىنداپ, باس بوستاندىعىنان ايىرۋدان باسقا جازا تاعايىنداۋدى سۇرادى.
«سوت سوتتالۋشىنىڭ كىناسىن مويىنداعانى, كۋالاردىڭ ايعاقتارى, ساراپشىلاردىڭ قورىتىندىلارى نەگىزىندە كىنالى دەپ تانىپ, 7 جىلعا باس بوستاندىعىنان ايىردى», دەلىنگەن حابارلامادا.
ۇكىم زاڭدى كۇشىنە ەنگەن جوق.
