فوتو: azattyq-ruhy.kz
ەلىمىزدە بۇعان دەيىن بانكتەرگە الاياقتىق جولمەن الىنعان نەسيەلەردى ەسەپتەن شىعارۋ مىندەتتەلگەن ەدى.
ەندى جاڭا زاڭ اياسىندا نەسيەلەردەن ەرىكتى تۇردە باس تارتقان ازاماتتار مەن 2024 جىلى 1 000 اەك نەمەسە 3 692 000 تەڭگەدەن اساتىن نەسيە راسىمدەۋگە جۇبايىنىڭ كەلىسىمى بولماعان تۇلعالارعا بەرىلگەن نەسيەلەر دە ەسەپتەن شىعارىلادى.
نەسيە قامىتىنان قۇتىلعىسى كەلگەن ءار ادام جاڭادان نەسيە الۋدان ەرىكتى تۇردە باس تارتا الادى. ازاماتتىڭ ءوتىنىشى قابىلدانعان جاعدايدا, ەشبىر بانك, ونىڭ ىشىندە ميكروقارجى ۇيىمى دا وعان جاڭا نەسيە بەرمەيدى. ەگەر بانك تىيىم سالىنعان تۇلعاعا نەسيە بەرسە, ونى تولەۋدى تالاپ ەتە المايدى. بانك تاراپىنان قانداي دا ءبىر قاتەلىك كەتكەن جاعدايدا ءۇش كۇن ىشىندە نەسيەنى ەسەپتەن شىعارىپ, تۇتىنۋشىنىڭ نەسيە تاريحىن تۇزەتۋى كەرەك. وسى ۋاقىتتىڭ ىشىندە تۇزەتپەسە قارىزدى وندىرە المايدى.
بىراق نەسيەدەن باس تارتقانىنا قاراماستان نەمەسە ەرلى-زايىپتىلاردىڭ رۇقساتى بولماسا دا, قازاقستاندىقتار ەسكى قارىزدارىن قايتا قارجىلاندىرۋ ءۇشىن نەسيە الا الادى. بۇل سىياقى مولشەرلەمەسىن, اي سايىنعى تولەمدەر مەن ءوسىمپۇلداردى (ايىپپۇلداردى) ازايتۋعا مۇمكىندىك بەرەدى. قايتا قارجىلاندىرۋ شارتى قارىز الۋشىعا ءتيىمدى باعىتتا جاسالادى.
