كەزدەسۋگە سوت اكىمشىلىگىنىڭ باسشىسى نايل احمەتزاكيروۆ پەن حالىقارالىق بايلانىستار ءبولىمىنىڭ مەڭگەرۋشىسى شاكىر شاياحمەتوۆ قاتىستى.
قوناقتار بارلىق سوتتاردىڭ قىزمەتىن تالداۋ جانە باقىلاۋ بويىنشا جوعارعى سوتتىڭ احۋالدىق ورتالىعىنىڭ جۇمىسىمەن, سونداي-اق ءىت-ازىرلەمەلەردىڭ مۋلتيپليكاتيۆتى مۇمكىندىكتەرىمەن, سونىڭ ىشىندە, جاساندى ينتەللەكت ەلەمەنتتەرىن پايدالانۋ جانە اۋقىمدى دەرەكتەردى تالداۋ تۋرالى جۇمىسىمەن تانىستى.
ولارعا ەلەكتروندى سوت وتىرىسىندا سۋديانىڭ قالاي جۇمىس ىستەيتىنى جانە تسيفرلاندىرۋدىڭ سوت اكىمشىلىگى ماسەلەلەرىن قالاي جىلدام شەشەتىنى ءىس جۇزىندە كورسەتىلدى.
سونىمەن قاتار كەزدەسۋ بارىسىندا ا.مەرعاليەۆ قوناقتاردى قازاقستاننىڭ سوت جۇيەسى مەن سوت ءىسىن جۇرگىزۋ, جوعارى سوت كەڭەسىنىڭ مىندەتتەرى, تاتۋلاستىرۋ راسىمدەرىنىڭ جۇمىسى مەن اكىمشىلىك ادىلەت تۋرالى حاباردار ەتتى. سونداي-اق سوت جۇيەسىندەگى وزگەرىستەرگە, سونىڭ ىشىندە كاسساتسيالىق سوتتاردىڭ قۇرىلۋى جانە وسىعان بايلانىستى جوعارعى سوتتىڭ ءرولىنىڭ وزگەرۋىنە تولىعىراق توقتالدى.
ءوز كەزەگىندە م.وزدەمير قازاقستان سوتتارىنداعى رەفورمالاردى جانە تسيفرلاندىرۋدىڭ دامۋ دەڭگەيىن جوعارى باعالادى. ول دەلەگاتسيا مۇشەلەرىمەن بىرگە بىرقاتار سۇراقتار قويىپ, ولارعا تولىق جاۋاپتار الدى.
تاراپتار سوت جۇيەسىنە ارنالعان ءبىلىم بەرۋ, وقۋ ۇدەرىسىن ۇيىمداستىرۋ, وقىتۋ ادىستەمەسى جانە عىلىمي زەرتتەۋلەر بويىنشا وزەكتى اقپاراتتارمەن الماستى.
كەزدەسۋ سوڭىندا قاتىسۋشىلار ىنتىماقتاستىقتى ودان ءارى دامىتۋعا نيەتتى ەكەندەرىن ءبىلدىردى.
