فوتو: اقوردا
پرەزيدەنت بۇل اۋقىمدى ءىس-شارا حالىقتار اراسىنداعى دوستىقتى نىعايتۋعا, قازاقستاننىڭ ءيميدجىن ىلگەرىلەتۋگە, ەلىمىزدىڭ باي مادەني-تاريحي مۇراسىن دارىپتەۋگە سەپتىگىن تيگىزەتىنىن اتاپ ءوتتى.
قاسىم-جومارت توقاەۆ قازاقستاننىڭ ۇيىممەن تىعىز ىنتىماقتاستىققا بەيىلدى جانە تۋريزم سالاسىنداعى بىرلەسكەن باستامالاردى جۇزەگە اسىرۋعا دايىن ەكەنىن جەتكىزدى.
باس حاتشى زۋراب پولوليكاشۆيلي قوناقجايلىق تانىتقانى ءۇشىن مەملەكەت باسشىسىنا العىس ايتىپ, V دۇنيەجۇزىلىك كوشپەندىلەر ويىندارىنىڭ ۇيىمداستىرىلۋ دەڭگەيىنە جوعارى باعا بەردى. ونىڭ پىكىرىنشە, مۇنداي ءىس-شارالار ءتۋريزمدى جانە جالپى ەل ەكونوميكاسىن دامىتۋعا جول اشادى.
كەزدەسۋ بارىسىندا قازاقستاننىڭ بۇۇ دۇنيەجۇزىلىك تۋريستىك ۇيىمىمەن سەرىكتەستىك اياسىن كەڭەيتۋ پەرسپەكتيۆاسى تالقىلاندى. ەلىمىزدىڭ تۋريستىك الەۋەتىن جانە حالىقارالىق ارەناداعى بەدەلىن ارتتىرۋعا ىقپال ەتەتىن ناقتى جۇمىستارعا باسا نازار اۋدارىلدى.
