ماڭعىستاۋ وبلىسىندا جارالانعان ساربازدىڭ اكەسى قورعانىس ءمينيسترىنىڭ اتىنا ۆيدەووتىنىش جولدادى. ەر ادام ۇلىنىڭ جازاتايىم وقيعادان قازا تاپپاعانىن ايتادى.
«جالعىز ۇلىم اسكەرگە تىرىدەي بارىپ, تابىتپەن قايتتى.
اقتاۋ قالاسىنىڭ اسكەري وكرۋگىنە بارا جاتىرمىن. ۇلىمدى تاپانشامەن بەتىنەن اتىپ تاستاعان. بۇل وقىس وقيعا دەيدى. وفيتسەر قارۋمەن ويناپ وتىرىپ, ول اياقاستىنان اتىلىپ كەتكەن دەيدى.
مەن قورعانىس مينيسترىنەن بۇل ءىستىڭ جازاتايىم وقيعا رەتىندە قاراستىرىلماۋىن سۇرايمىن. بۇل جازاتايىم وقيعا ەمەس: تاپانشادان اتۋ ءۇشىن پاترونىن سالىپ, ساقتاندىرعىشتان الىپ تاستاپ, شۇرىپپەنى باسۋ كەرەك. بۇل وينايتىن ويىنشىق ەمەس. قازىر ونى قاماۋعا الدى دەيدى. ءىستى توقتاتقىسى كەلۋى مۇمكىن. مەن ءبارىن مۇقيات زەرتتەگىم كەلەدى», - دەدى ساربازدىڭ اكەسى.
ەر ادامنىڭ ايتۋىنشا, ول تەرگەۋ كوميتەتىنە بارىپ, ارى قاراي ۇلىنىڭ دەنەسىن ەكسپەرتيزادان وتكىزۋگە نيەتتى.
ايتا كەتەيىك, وسىعان دەيىن مەرزىمدى قىزمەتىن وتكەرىپ جۇرگەن سارباز اۋىر جاراقاتتان سوڭ قايتىس بولعانى حابارلاندى.
