26 قاڭتار, 2015

قوستانايدا تۇقىم ساتىپ الۋعا قارجى ءبولىندى

270 رەت
كورسەتىلدى
1 مين
وقۋ ءۇشىن
iCA1B0FXQقوستاناي. 26 قاڭتار. قوستاناي وبلىسىندا كوكتەمگى دالا جۇمىستارىنا دايىندىق باستالىپ كەتتى. بۇگىندە تۇقىم ماسەلەسى شەشىمىن تابۋدا. بۇل جونىندە egemen.kz ءتىلشىسى حابارلادى. وتكەن جىلى كۇزدە اۋا رايىنىڭ تىم جاڭبىرلى بولۋىنا بايلانىستى استىق جيناۋ ناۋقانى قيىندىقپەن وتكەن بولاتىن. وسىعان وراي وبلىستا تۇقىم ازدىعى بايقالدى. ونى وبلىس باسشىلىعى وتكەن جىلدىڭ قازان-قاراشا ايىندا-اق شەشۋ جۇمىستارىن باستاعان ەدى. مىنە, سونىڭ ناتيجەسى كورىندى. وبلىسقا 44 مىڭ توننا تۇقىم الۋ ءۇشىن 1,8 ميلليارد تەڭگە قارجى ءبولىندى. وبلىس اكىمى نۇرالى سادۋاقاسوۆ: « ءبىز كوكتەمگى دالا جۇمىستارى ءۇشىن كەرەكتى سۇرانىمداردىڭ بارلىعىن جاسادىق. قازىر 6 مىڭ تونناداي تۇقىمنىڭ اقىسى تولەندى. ديقاندار ءۇشىن مۇمكىندىگىنشە بارلىق جاعداي جاسالادى. قارجى ءبولىندى, تۇقىم جەتكىلىكتى قامتاماسىز ەتىلەدى. ونىڭ قايتارىمىنا كۇزدە مول استىق جينالادى دەپ ۇمىتتەنەمىز», دەدى. ءنازيرا جارىمبەتوۆا. دەرەك, سۋرەت: egemen.kz.
سوڭعى جاڭالىقتار