ينفوگرافيكانى جاساعان – امانگەلدى قياس, «ەQ»
نەگىزگى تەندەنتسيالار
العاشقى التى اي قورىتىندىسى بويىنشا بانك سەكتورى بيزنەسكە 8,4 ترلن جاڭا قارىز بەردى. 2023 جىلدىڭ سايكەس كەزەڭىمەن سالىستىرعاندا 22%-عا (1,5 ترلن-عا) ارتىق. جاڭا قارىزدىڭ 98 پايىزى ەكىنشى دەڭگەيلى بانكتەرگە تيەسىلى.
ۇلتتىق بانك ساۋالناماسىنا سايكەس, بيىلعى شىلدە ايىنىڭ باسىندا بيزنەستىڭ بارلىق مىندەتتەمەسىن كورسەتەتىن كرەديتورلىق بەرەشەگى بار كاسىپورىندار ۇلەسى تەك 20%-دى قۇراعان. ياعني بيزنەستەگى بەس وكىلدىڭ بىرەۋىندە عانا قارىز بار. باس بانكتىڭ ستاتيستيكالىق تالداۋ ناتيجەسىنە سۇيەنسەك, شاعىن بيزنەستەگى تۇراقتى كاسىپورىندار ۇلەسى 17,2%-عا, ورتا كاسىپورىنداردا 15%-عا تومەندەگەن. سونىمەن قاتار شوب وكىلدەرىندەگى مەرزىمى وتكەن بەرەشەكتىڭ بالانستىق كولەمى 83%-دى (بارلىعى 307 ملرد تەڭگە) قۇراعان.
دەسە دە, كاسىپكەرلىك سۋبەكتىلەرى تاراپىنان كرەديتكە سۇرانىس كوپ جاعدايدا ءىرى جانە ورتا بيزنەس ەسەبىنەن تۇسكەن.
– شاعىن بيزنەس سۋبەكتىلەرى تاراپىنان سۇرانىس مەملەكەتتىك باعدارلامالار شەڭبەرىندە كرەديتتەۋدى قارجىلاندىرۋ ارقىلى قولداۋ تاپتى. سونىمەن قاتار جەكەلەگەن بانكتەر 2023 جىلدىڭ سوڭىندا ىسكە قوسىلعان كەپىلدى جانە كەپىلسىز سكورينگتىك ونىمدەردىڭ وڭ اسەرىن اتاپ ءوتتى. كەي بانكتەر كليەنتتەردىڭ تاۋەكەل پروفيلىنە قويىلاتىن تالاپتاردى قايتا قارادى. ناتيجەسىندە, شاعىن بيزنەستىڭ كرەديتتىك وتىنىمدەرىنىڭ جالپى سانى 6%-عا ءوستى, – دەيدى ۇلتتىق بانك قارجىلىق تۇراقتىلىق جانە زەرتتەۋلەر دەپارتامەنتىنىڭ ديرەكتورى ولجاس كوبەنباەۆ.
ءىرى جانە ورتا بيزنەستىڭ نەسيەگە سۇرانىس يندەكسى I توقساندا, نەگىزىنەن نەسيە رەسۋرستارىنىڭ قۇنىن تومەندەتۋ ارقىلى ازداپ ءوستى. جەكەلەگەن بانكتەردىڭ پىكىرىنشە, مەملەكەتتىك باعدارلامالار شەڭبەرىندە قارجىلاندىرۋدى قايتا باستاۋ ورتا بيزنەس تاراپىنان سۇرانىسقا دا وڭ اسەرىن تيگىزدى. بانكتەر سىياقى مولشەرلەمەسىن ءبىرشاما تومەندەتۋ ارقىلى كرەديت بەرۋ شارتتارىن شامالى جەڭىلدەتكەن.
قارىز پورتفەلىنىڭ ءوسۋى كەزىندە وتىنىمدەردى ساپالى ىرىكتەۋ مەرزىمى وتكەن بەرەشەكتىڭ تومەن دەڭگەيدە ساقتالۋىنا سەبەپ بولدى. اقشا-كرەديت جاعدايلارىن ودان ءارى جاقسارتۋ ەلدەگى ينفلياتسيالىق ۇدەرىستەردى جەدەلدەتە تۇسەدى. ال بيزنەستىڭ بارلىق وكىلى قارىز بويىنشا قارجى جاعدايلارىن ودان ءارى جاقسارتۋدى كوزدەپ وتىر.
سوعان قاراماستان, بىرقاتار بانك سكورينگ نەگىزىندە زاڭدى تۇلعالارعا ارنالعان جاڭا ونىمدەردى, ساۋدا سالاسىنداعى اينالىم قاراجاتىن قارجىلاندىرۋ ءۇشىن سالىستىرمالى تۇردە قىسقا قارىز بەرۋدى جوسپارلاپ جاتىر. وسىلايشا, نەسيە وتىنىمدەرىنىڭ ۇلعايۋى كاسىپكەرلەرگە جاڭا كرەديت بەرۋدى 20%-عا ۇلعايتقان.
بانكتەردىڭ پىكىرىنشە, تۇتىنۋشىلىق كەپىلسىز قارىزدارعا سۇرانىستىڭ ارتۋى بەلسەندى ماركەتينگتىك ىلگەرىلەۋ مەن جەكەلەگەن بانكتەردەگى ونلاين-كرەديت ۇلەسىنىڭ ۇلعايۋىنا تىكەلەي قاتىستى. ناتيجەسىندە, نەسيەلىك وتىنىمدەر سانى 21,1 ملن بولدى. بۇل الدىڭعى توقساننان 10%-عا ارتىق. ءىرى بيزنەستىڭ ەكىنشى توقسانداعى ماقۇلداۋ دەڭگەيىنىڭ تومەندەۋى توقسان سوڭىنا قاراي كەلىپ تۇسكەن جانە قارالىپ جاتقان كليەنتتەر سانىنىڭ ارتۋىنا بايلانىستى بولماق. ءۇشىنشى توقساندا ولاردى تاعى قارايدى. سوندا ماقۇلداۋ ۇلەسىن ارتتىرۋى دا مۇمكىن.
