جالپى جول قاشىقتىعى 500 شاقىرىمدى قۇرايدى جانە باعىت سولتۇستىك قازاقستان, اقمولا وبلىسى جانە استانا قالاسىن قامتيدى. مارافون ەرتەڭ استانادا اياقتالادى.
جورىق باعدارلاماسىنا سايكەس, كوماندالار مارافون-بايگەنىڭ 400 شاقىرىمىن شاۋىپ ءوتتى. ەرتەڭ كوماندالار سوڭعى بەسىنشى كەزەڭدى باستايدى, توعاناس اۋىلى ماڭىنان اتقا قوناتىن قاتىسۋشىلار استانا قالاسىنىڭ ماڭىنان قورىتىندى 100 شاقىرىمدى اياقتايدى.
ءتورتىنشى كەزەڭ (100 شاقىرىم) قورىتىندىسى بويىنشا,رەسەيدىڭ قاباردين-بالقار كومانداسى جەڭىمپاز اتاندى. ماڭعىستاۋ وبلىسىنىڭ كومانداسى مارە سىزىعىنا ەكىنشى بولىپ جەتسە, ۇزدىك ۇشتىكتى اقتوبە وبلىسىنىڭ كومانداسى تۇيىندەدى. ءتورت كەزەڭنىڭ جالپى قورىتىندىسى بويىنشا ماڭعىستاۋلىقتار الدا كەلەدى.
وكىنىشكە قاراي قىرعىزستان, رەسەيدىڭ قاراشاي-شەركەش جانە تاتارستان رەسپۋبليكالارى, ماجارستان, يران, تۇركيا وڭتۇستىك افريكا ەلدەرىنەن جانە قاتىسقان كوماندالار مەن شىعىس قازاقستان وبلىسىنىڭ ۇزدىكتەرى تىزگىندەگەن شاباندوزداردىڭ اتتارى بولدىرىپ, مارافون-بايگەدەن شىعىپ قالدى.
مارافون-بايگەگە جۇمىسىنا 2 حالىقارالىق جانە 5 ەلىمىزدىڭ سۋدياسى, سونداي-اق 4 حالىقارالىق جانە 3 جەرگىلىكتى مال دارىگەرى قاتىسىپ, جوعارى ستاندارتتاردى ساقتاۋ مەن جىلقىلاردىڭ دەنساۋلىعىنا قامقورلىق جاساۋعا ۇلەسىن قوسۋدا.
جوبا ۇيىمداستىرۋشىسىقر ۇلتتىق سپورت قاۋىمداستىعى جانە رەسپۋبليكالىق «JORYQ» ات سپورت فەدەراتسياسى. «امانات» پارتياسى, قازاقستان رەسپۋبليكاسى تۋريزم جانە سپورت مينيسترلىگى, Sport Qory, سولتۇستىك قازاقستان, اقمولا وبلىستارى مەن استانا قالاسىنىڭ اكىمدىگىنىڭ قولداۋىمەن ءوتىپ جاتقان دودانىڭ جەڭىمپازدارىن ماراپاتتاۋ 7 قىركۇيەكتە «قازانات» اتشابار الاڭىندا (ەتنو-اۋىل) كەشكى ساعات 20:00-دە وتەدى.
