26-27 تامىزدا تالدىقورعان قالاسىنىڭ ءىلياس جانسۇگىروۆ اتىنداعى جەتىسۋ ۋنيۆەرسيتەتىنىڭ ءماجىلىس زالىندا مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدار, پسيحولوگتار, تەولوگتار قاتىستى.
جيىندا ءتۇسىندىرۋ توبىنىڭ مۇشەلەرى – نەيرولينگۆيستيكالىق باعدارلامالاۋ مامانى, پسيحولوگ سەيتقالي ميرزادا شاحمان ۇلى جانە ءدىنتانۋ مامانى تالدىباەۆ تولەگەن ومىرزاق ۇلى ءدارىس وقىدى.
سەيتقالي ميرزادا شاحمان ۇلى «وراتورسكوە ماستەرستۆو: يسكۋسستۆو پۋبليچنىح ۆىستۋپلەني» تاقىرىبىندا سويلەۋ تەحنيكاسىنىڭ مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى. سونداي-اق, «ناۆىكي ۆىسوكوەففەكتيۆنىح ليۋدەي» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى.
تالدىباەۆ تولەگەن ومىرزاق ۇلى «الەۋمەتتىك جەلىدە ءتۇسىندىرۋ جۇمىستارىن جۇرگىزۋدىڭ ماڭىزدىلىعى» تاقىرىبىمەن قاتىسۋشىلارعا قازىرگى عالامتور ارقىلى جاس وركەننىڭ بويىنا تاربيەلىك ءمانى زور دۇنيەلەردى سىڭىرە ءبىلۋ مۇمكىندىگىن قامتاماسىز ەتۋ, قازىرگى ۋاقىتتا جاماعاتپەن بايلانىستى الەۋمەتتىك جەلى ارقىلى ورناتۋدىڭ ماڭىزدىلىعىن ءتۇسىندىردى. سونداي-اق, «الەۋمەتتىك جەلىنىڭ الگوريتمدەرىن مەڭگەرۋ جانە ءتيىمدى ءتۇسىندىرۋ جۇمىستارىن جۇرگىزۋ» تاقىرىبىندا قاتىسۋشىلارعا الەۋمەتتىك جەلىدە جەرگىلىكتى پاراقشانى جۇرگىزۋ ادىستەرىن ۇيرەتتى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
