نازاردا – ازيادا-2011 قاۋىپسىزدىگى

الماتى قالاسىندا “مەدەۋ” مۇز ايدىنى سپورت كەشەنىندە “قورعاۋ-انتيتەررور-2010” رەسپۋبليكالىق جەدەل-تاكتيكالىق تەررورعا قارسى وقۋ-جاتتىعۋىنىڭ قورىتىندى فازاسى وتكىزىلدى جانە وعان بارلىق قۋاتتى قۇرىلىمداردىڭ جانە شۇعىل ارەكەت ەتۋ قىزمەتتەرىنىڭ كۇشتەرى مەن قۇرالدارى تارتىلدى. وقۋ-جاتتىعۋ 2011 جىلعى 7-ءشى قىسقى ازيا ويىندارى وتكىزىلەتىن سپورت نىساندارىنىڭ قاۋىپسىزدىگىن قامتاماسىز ەتۋگە دايىندالۋ ماقسا­تىندا ۇقك تەررورعا قارسى ورتا­لى­عىنىڭ باستاماسىمەن وتكىزىلدى. اتالعان ءىس-شارانىڭ بارىسىندا رەس­پۋبليكالىق جانە الماتى قالا­لىق جەدەل شتابتارىنىڭ شەشىم­دەر­دى قابىلداۋ جانە ۇقك, پكق, ءىىم, تجم, قورعانىس مينيسترلىگى جانە باسقا دا مەملەكەتتىك جانە جەرگىلىكتى اتقارۋشى ورگاندار ءبو­لىمشەلەرىنىڭ ءوزارا ارەكەتتەستىكتەرى پىسىقتالدى. “قورعاۋ-انتيتەررور-2010” وقۋ-جاتتىعۋىنىڭ باسشىسى – ۇقك توراعاسىنىڭ ورىنباسارى گەنەرال-مايور ج.جاراسوۆ وقۋ-جاتتىعۋ بارىسىندا كوزدەلگەن وقۋ-جاۋىنگەرلىك مىندەتتەر تولىق كو­لەم­­دە ورىندالعاندىعىن ايتىپ, وعان تارتىلعان بارلىق كۇشتەر مەن قۇرالداردىڭ پراكتيكالىق ءوزارا ارەكەتتەستىك داعدىلارى مەن كاسىبي داي­ىندىقتارىنا وڭ باعا بەردى. قىس­قى ازيادا-2011-گە دايىندىق بارى­سىندا قاۋىپسىزدىكتى قامتاماسىز ەتۋ ماسەلەسىنە ايرىقشا نازار اۋدارى­لىپ وتىر. وسىعان بايلا­نىس­تى ۇقك تقو اعىمداعى جىلدا سپورت عيما­رات­تارىندا, سونداي-اق ازيا ويىن­دارىنىڭ باسقا دا نى­سان­دارىندا بىرلەسكەن تەررورعا قار­سى بىرقاتار وقۋ-جاتتىعۋلار مەن جات­تىعۋلار وتكىزۋدى جوسپارلاپ وتىر, دەپ حابارلادى ۇقك ءباسپاسوز قىزمەتى.