الماتى وبلىسى قاراتال اۋدانىنا جاڭا اكىم تاعايىندالدى

استانا. 26 قاڭتار. الماتى وبلىسى باسشىسى اماندىق باتالوۆتىڭ وكىمىمەن بيسەمباەۆ قايرات ءاشىرالى ۇلى قاراتال اۋدانىنىڭ اكىمى بولىپ تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. ق.بيسەمباەۆ 1965 جىلى تۋعان. ءبىلىمى جوعارى. «جامبىل گيدرومەليوراتيۆتى قۇرىلىس» ينستيتۋتىن, «تۇران» ۋنيۆەرسيتەتىن جانە «تەحنولوگيا, قۇرىلىس, باعا جانە ساپانى باسقارۋ ۋنيۆەرسيتەتىن بىتىرگەن. ماماندىعى – قۇرىلىس ينجەنەرى, زاڭگەر جانە ساراپشى-باعالاۋشى. ول ەڭبەك جولىن «تورگايسەلحوزۆودوپروۆود» مەكەمەسىنىڭ شەبەرى بولىپ باستادى. ءار جىلدارى كلۋب مەڭگەرۋشىسى, كەڭشار كومسومولى كوميتەتىنىڭ حاتشىسى, اۋىلدىق كەڭەستىڭ توراعاسى, اۋىلدىق وكرۋگ اكىمى, «پودگورنىي» اق قوسپاجەم زاۋىتىنىڭ باستىعى, «بىرلىك جانە ك» جشس ديرەكتورى, وبلىستىق ليتسەنزيالاۋ ورتالىعى ءبولىمىنىڭ باستىعى, «قۇرىلىسكونسالتينگ» جاق فيليالىنىڭ ديرەكتورى, قاراتال اۋدانى اكىمىنىڭ ورىنباسارى, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى جونىندەگى اگەنتتىگىنىڭ مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ باسقارماسىنىڭ باستىعى, دەپارتامەنت ديرەكتورى قىزمەتتەرىن اتقارعان. 2013 جىلدان بەرى استانا قالاسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتىنىڭ باسشىسى بولىپ كەلگەن. جولدىباي بازار. دەرەك, سۋرەت: الماتى وبلىسى اكىمدىگىنىڭ ءباسپاسوز قىزمەتى.